Басты миссия мемлекет мүддесіне қызмет ету

«Нұр Отан» партиясы жарқын болашақ пен толайым табыстарға жетудің іргетасы іспеттес. Бүгінде партияның ықпалымен халық пен биліктің арасында тығыз байланыс орнатылып, жұртшылықтан келіп түскен өтініштер де жерде қалмай, нақты шаралар қабылданып келеді. Мысалы, «Біздің ауыл», «Ардагерлерді ардақтайық», «Бақытты отбасы» сынды жобалардың аясында электоратпен дәстүрлі жұмыс жүргізілуде. Со­ның нәтижесінде еріктілер тобы арда­герлерді қамқорлығына алып, жетім балалар мен мұқтаж отбасына көмек көрсетіліп, ауылдарда балалар мен спорт­тық аулалар іске қосылған. Сон­дай-ақ, еліміздегі әлеуметтік инфра­құрылымдар нысаны мүмкіндігі шек­теулі жандарға бейімделе қайта жасақталған. Партиялық жобалардың ішінде «Сәтті қадам» атты жастарды қолдайтын ауқымды шаралар да бар. Мұның бәрі бизнеске қолайлы орта жасап, отбасылық кәсіп дәстүрін қалыптастыруға бағытталғанын атап өткен жөн. «Нұр Отан» партиясының алға қойған мақсаттарға қол жеткізу жолы бүкіл қазақстандықтардың бірлескен іс-қимылында жатыр. Сондықтан да партиямыз Қазақстанның барлық азаматтарын бірлікке шақы­рады. Жаһандық қауіп-қатерлер ал­дында тек татулық пен мызғымас бірлік арқылы ғана біз дағ­дарысты еңсеріп, одан әрі қарышты дамуды жалғастыра аламыз. «Нұр Отан» пар­тиясы осынау қиын сәтте ауыз­біршілікті, ұйымшылдықты, сенім­ділікті нығайтуға және ұлғайта түсуге шақырады. Бүгінгі біздің басты мис­сиямыз Елбасы Нұрсұлтан Назарбаевтың сарабдал саясатын одан әрі жалғастырып, Мемлекет басшысы Қасым-Жомарт Тоқаевқа қолдау көрсету. Президентіміздің алға қойған стратегиялық бағыты дағдарысты еңсеріп, бәсекеге қабілетті ел болып шығуға мүмкіндік туғызып отыр.

Мұратжан Мейманханов,
«Нұр Отан» партиясы Т.Рысқұ­лов аудандық филиалының «Камен­ка» БПҰ төрағасы, Бауыржан Мо­мыш­ұлы атындағы орта мек­тептің ди­ректоры.

Поделиться ссылкой: