Ана тілім – алтын қазығым

279 Views

Президентіміз Қасым-Жомарт Тоқаевтың «Тәуелсіздік бәрінен қымбат» атты мақаласына үн қосу

Биыл Қазақ елі тәңір сыйлаған Тәуел­сіздігінің, азаттығының отызыншы жылына қадам басып отыр. Тарихи шежіресі сонау ежелгі түркіден бастау алатын қазақ халқының бұрынғы заманнан бері іргелі елдігін, салиқалы салтын сақтап қалғаны – қайрат қажырының, еркіндік сүйгіштік жігерінің, асқақты биік рухының арқасы.
«Егемен Қазақстан» газетінде жария­ланған «Тәуелсіздік бәрінен қымбат» атты мақаласында Мемлекет басшысы Қасым-Жомарт Тоқаев: «Бабалардан мұра болған қасиетті жеріміз – ең басты байлығымыз. Қазақ еліне осынау ұлан- ғайыр аумақты сырттан ешкім сыйға тартқан жоқ» деп жазған болатын.
Шынымен де, егемен ел атанып, өз алдына отау тігіп дербес мем­ле­кет атанған Қазақ елі қаншама қиын­дық­тарға жолықса да тастай берік тө­зім­ділігімен шыдамдылығының ар­қа­сында, әлемге өзінің өршіл үнін, өркениетке деген сенімділігін мойындатты. Тәуелсіздік шежіресі тұңғыш Президентіміз – Елбасының тарихи тұлға­сымен тығыз байланысты. Нұрсұлтан Әбішұлы Назарбаев – жаңа дәуірдегі Қазақстанның негізін қалаған қайраткер, тәуелсіз қазақ елін тарих сахнасына шығарып, дүниежүзіне таныс­тырған тұлға. Қазақ хал­қының беделін асқақтатқан және әлем­ге әйгілі еткен саңлақ саясаткер екені дау­сыз.
Егемендік алған 30 жылда еліміз Елбасының жүйелі саясатының, халқымыздың даналығы мен парасаттылығының, қажырлы еңбегінің арқасында толағай табыстарға қол жеткізді. Бейбітшілік, келісім мен тұрақтылық жағ­дайында Қазақстан жылдам қарқын­мен әлемдегі алдыңғы қатарлы жетекші елдердің қатарына қосылғаны белгілі.
Мемлекет басшысы осы мақаласында ұлттық мүддеміздің, тәуелсіздігіміздің ал­тын арқауы қазақ тілі екендігіне баса назар аударып отыр. Мақалада, Қазақстанның мемлекеттік тілі – қазақ тілі екендігі, бірік­тіруші күшке айналдыру қажеттігі өте жақсы айтылыпты. Ендігі мәселе өзі­мізде екені ақиқат. Қазақ баласы ең әуелі өзінің ана тіліне өзі қам­қорлық танытуы қажет.
Тәуелсіздігіміздің алтын арқауы және басты құндылығы ұлттық мүдде екен­дігіне Мемлекет басшысы өз мақа­ла­­сында кеңінен тоқталады. Біз ұлттық мүд­де мен тәуелсіздікті бәрінен биік қоя­мыз. Тәуелсіздік – ең алдымен қазақ хал­қы­ның бостандыққа ұмтылған асқақ арман­ы мен қайсар рухының жемісі. Сон­дықтан да біз үшін Тәуелсіздік күні – ең қастерлі күн. Біз бүгінгі бар­лық жетістіктерімізге Тәуелсіздіктің арқа­­сында қол жеткіздік. Тәуелсіздік – тәңірдің біздің ұрпаққа берген үл­кен сыйы, халқымыздың мәңгілік құн­ды­лығы. Тәуелсіздігіміздің 30 жылдық мерей­тойы тұғырлы, баянды болсын! Тәуелсіз Қазақстанның таңы нұрлы, еге­мен елі­міздің ұрпағының еңсесі биік болып, көк аспанда қасиетті көк туы­мыз мәңгі жел­біресін!

А.Сәрсеханұлы,
аудандық «Жастар ресурстық орталығы» КММ-нің директоры.

Поделиться ссылкой: