ЖАҢА СПОРТ КЕШЕНІ салына бастады

182 Views

Луговой ауылындағы темір­жол­шылар клубының артқы жағынан спорт кешенін салуға жер телімі бөлініп, «Шым­кентмелиорация» жауапкершілігі шек­теулі серіктестігінің мердігерлері жаңа нысанның іргетасын қалауға кі­рісті. Жалпы келісім-шарт бойынша құры­лысқа 353 миллион 667 мың теңге қаржы бөлінген. Биылғы жылға бар болғаны 35 миллион теңге бөлінгендіктен, мер­дігерлер ғимараттың іргетасы тұра­тын шұқырды, яғни котлованды қаза бастапты. Бетондаушылар жер қазу жұмысары аяқталған соң ғана бетон құя бастайды. Нысан келер жылға өтпелі болған соң, негізгі жұмыстар 2022 жылы жалғастырылып, спорт кешені толы­ғымен аяқталады.
Жаңа нысанның техникалық қада­ға­лаушысы – «ADI SAN» жауапкершілігі шектеулі серіктестігі. Ал, оны жоба­лаушы – «Тараз-Технопроек» серіктестігі. Құрылыс жеті ай мерзімде салынып біту­ге тиіс. Сонымен, Луговой ауылының жастары алдағы жылы жаңа спорт са­райында әр түрлі жарыстар өткізіп, онда үйірмелер мен секциялар ашып, бос уақыттарын ұтымды пайдаланатын болады. Қазір ауыл әкімі мен ақсақалдар Кеңесінің мүшелері жаңа нысандағы құрылыс жұмыстарының барысын өз қадағалауына алған.

Қ.Сейсен.
Суретте: спорт кешеніне арналған котлован.

Поделиться ссылкой: