Бұл өзіміз үшін маңызды

Елімізде 2021 жылдың 1 қыркүйегінен бастап 10 жылда бір рет өткізілетін халық санағы басталды. Осы орайда, Т.Рыс­құлов ауданында да санақ бойынша қызу жұмыстар жүргізіліп жатыр. Мәселен, елді мекендерге баннерлер ілінді. Аудандық «Жастар ресурс­тық орталығы» КММ-нің қызметкерлері ауылдарда халық сана­ғы туралы үнпарақтар таратып, түсін­дірме жұмыстарын жүргізуде.
Халық са­нағы онлайн және оффлайн түрде өткізіледі. 1 қыркүйектен бастап онлайн түрде өту үшін компьютерде (ноутбукте және планшетте) немесе ұялы телефонда (смартфон) sanaq.gov.kz сайтын теріп, соны­мен қатар, «Aitu Messenger» отандық мобильді қосымшасы және egov.kz элек­трондық Үкімет порталы арқылы онлайн режимде санақ парақтарын үй­ден шықпай тапсыруға мүмкіндік бар. Тір­келуді ұялы телефон нөмірі немесе электронды пошта арқылы жүр­гізуге болады. Санақтан тұрақты тұр­ғындар, еліміздің азаматтары, шетел­діктер және азаматтығы жоқ адамдар да өтеді. Сондай-ақ, қызметтік міндеттерін орындаумен байланысты шетелде жүрген біздің азаматтар, «Болашақ» бағдарламасы және студенттермен алмасу бағдарламасы бойынша оқитын студенттер, шетелге демалысқа, емделуге немесе қонаққа кеткен туристер де санақтан өтеді. Қазақстан Республикасына тұрақты тұруға келген немесе пана іздеген қоныс аударушылар, 12 айдан аз, уақытша елде жүрген шетелдіктер де санаққа алынады. Алғашқы статис­тикалық деректердің сақталуы мен құпиялылығын қамтамасыз ету ҚР заңнамасымен реттелетін процестер шеңберінде заманауи техникалық құралдарды пайдалану арқылы және ақпараттық қауіпсіздік саласындағы уәкілетті органымен ынтымақтастықта жүзеге асырылады. Санақтан онлайн түрде өту 2021 жылдың 15 қазанында аяқталады.
2021 жылдың 1 қазанынан 30 қаза­нына дейін электрондық планшеттерді пайдаланумен интервьюерлер дәстүрлі жаппай сауал салуды жүргізеді. Бұл кезеңде аудандық статистика бас­қар­масынан халық санағының эмблемасы бар, көк түсті мойын орағыш (шарф), портфель және аты-жөні жазылған бейджикпен интервьюерлер аралайды. Ал, онлайн түрде өтіп қойған азаматтар санақтан онлайн өткені туралы хабар­ламаны көрсетеді.
Құрметті аудан тұр­ғындары!
Ұлттық халық санағына үлес қосуларыңызды сұранамыз. Соны­мен қатар, ұлттық санақтың екін­ші кезеңін жүргізуге аудан тұрғындарын қосымша жұ­мыс­қа шақырамыз. Барлық сұрақ­тар бойынша Т.Рысқұлов ауданы әкімдігінің жұмыс­пен қам­ту орта­лығы мен аудандық статистика басқар­масына жолығу­ларыңызды сұраймыз.
Байланысу нөмірлері: 8(72631)2-18-55, 87057979773, 87766509422.

Ж.Бұланбаева,
аудандық статистика басқармасының жетекші маманы.

Поделиться ссылкой: