Қайырымды шара немесе жағдайы төмен отбасындағы балаларға қамқорлық

1 067 Views

Ақыртөбе шағын орталықты мектебі жанындағы асханадан екі ауысымда оқитын жағдайы төмен 89 бүлдіршін келіп тамақтанады. Мемлекет әр балаға 430 теңгеден қаражат бөліп қойған. Кәсіпкер Алмагүл Омарбекова тендрді жеңіп алған екен. Біз балалардың тамағының дәмділігіне, сапасына көңіл бөліп көрдік. Айтары жоқ, балалардың тамақтары өте дәмді, оны балалардың өздерінен де сұрап көрдік. Бала шіркін өтірік айтпайды ғой, дайындалған ас дәмді екен. Соған қарап, бас аспаз Айжан Оразымбетова мен оның көмекшісі Әсемай Мырзабековаға рахметімізді айттық.
Мемлекеттің осындай қамқор­лығының арқасында алаңсыз та­мақ­танып, оқуларын жақсы оқып жүрген оқушыларды көріп бір марқайып қаласың. Өйткені біздің қоғамда ана мен балаға деген қамқорлық бірін­ші кезекте тұратынын ұмытпағанымыз жөн.

Сейсен Қожеке.
Суретте: бас аспаз  Айжан Оразымбетова
бірінші ауысымдағы балаларды тамақтандыру үстінде.
Ақыртөбе шағын  орталықты орта мектебі.

Поделиться ссылкой: