Дайындық жұмыстары пысықталды
500 Views
Күні кеше аудан орталығында «Көктем – 2022» республикалық командалық-штабтық оқу жаттығуы өткізілді.
Арнайы ұйымдастырылған іс-шараға аудан әкімінің орынбасары Ерғазы Еспенов пен аудандық Төтенше жағдайлар бөлімінің басшысы Нұрболат Қадырханов қатысты. Сондай-ақ, жаттығуға аудандық Төтенше жағдайлар бөлімінің мамандары, №10 Өрт сөндіру бөлімінің жеке құрамы, ҚР ІІМ ТЖК Жамбыл облысы бойынша «Апаттар медицинасы орталығы» ММ Күре жолдық медициналық құтқару пункті, аудандық полиция бөлімі, медицина саласының қызметкерлері, «Құлан-Энерго Жылу» КМК-ы, «Таза Су – 2014» КММ-і, «ҚазТрансГаз Аймақ» Жамбыл өндірістік филиалы, аудандық санитарлық-эпидемиологиялық бақылау және «Ұлттық сараптама орталығы» ШЖҚ РМК филиалы қатысты. Шараға жалпы 93 адам, 36 бірлік техника жұмылдырылды.
Шара барысында жауапты мамандармен техниканың бүгінгі тыныс-тіршілігі, құрал-жабдықтардың жай-күйі, сапасы жан-жақты қаралып, кемшін кеткен тұстарға ескерту берілді.
«Құлан таңы» ақпарат.