Білім саласының қызметкерлері референдумға үн қосты

228 Views

Референдум – жаңа өзгерістердің бастауы

Жалпы референдумда Конституцияға байланысты 5 бағыт айқындалып отыр. Соның біріншісі, суперпрезиденттік модельден классикалық президенттік модельге көшу. Екіншісі – билік тетіктерін өзгерту. Үшіншісі – Парламенттің рөлін жоғарылату болса, төртіншісі – халықтың белсенділігін арттыру. Ал, бесінші бағыты – қарапайым адамдардың құқығын қорғау. Өткен аптада аталмыш бағыттар бойынша білім және әлеуметтік сала мамандары да өз ойларын ортаға салды. Бұл өзгерістердің Қазақ елінің экономикалық, саяси жағынан өркендеуіне, қазақ халқының әлеуметтік жағдайының жақсаруына айтарлықтай оң нәтиже беретіндігі де сөз болды. Құлан ауылдық округінің әкімі Еркін Сейтжапаров:
– Мен конституцияға енгізілетін өзгерістерді зерделей отырып, аталған баптар бойынша түзетулерді өз азаматтық ұстанымыма сай, ерекше ықыласпен қабылдадым. Осы тұрғыда, біздің ауызбіршілігіміз мықты болуы керек. Себебі, Президенттің жалғыз өзі ештеңе істей алмайды. Сондықтан елдегі саяси жағдайға, реформаларға белсенді атсалысып, өз белсенділігімізді білдіруіміз қажет, – деп өз ойын ортаға салды.

Поделиться ссылкой: