Ел дамуының жаңа кезеңі

Мемлекет басшысы Қасым- Жомарт Кемелұлы Тоқаевтың бастамасымен елімізде Жаңа Қазақстанды құру мақсатында саяси жаңғыру қадамдары басталды.Ал бұл саяси қадамды іске асыру үшін алдымен құқықтық негіз қалануы қажет.Сондықтан да Ата Заңымызға өзгерістер мен толықтырулар ен­гізу керек.Өзгерістер мен толықтырулардың аса маңыз­дылығына байланысты бұл мәселеге бүкілхалықтық ре­фе­рендумда дауыс беруі өте орынды шешім болды деп біле­мін.
Конституцияға өзгерістер біздің Жаңа Қазақстан құру жолындағы ел дамуының жаңа кезеңге аяқ басқанын білдіреді. Біз осылайша суперпрезиденттік жүйеден ық­палды Парламенті бар, есеп беретін Үкіметі бар президенттік басқару нысанындағы респуб­ликаға көшетін боламыз. Бұл-«Халық үніне құлақ асатын мем­лекет» тұжырымдамасының жарқын бір көрінісі екені анық. Ре­ферендумның мақсаты – саяси, құқықтық жүйемізді жетілдіру, конституциялық ре­форма жасау.
Конституцияға енгізілген не­гізгі өзгерістер мен толық­тырулар жобасы халықтың көңілінен шық­ты деп ойлаймын.Өйткені, Парламенттің рөлін арттыру, Үкіметтің Парламентке есеп беруі, халықтың сай­лау құқығын жетілдіру, депутаттардың пар­­тиялық тізіммен қатар, мажо­ритарлық жүйенің ен­гі­зілуі, Президенттің саяси пар­тиялардың бәріне ортақ болуы үшін бір партия мүшесі болудан бас тартуы және оның туыстарының мемлекеттік қыз­метте және квазимемлекеттік мекемелер мен лауазымдық басшы қызметтерде болмауы тиіс деген сияқты өзгерістердің Ата заңымызға енгізілуі елі­мізде қоғамдық-саяси ахуалға оң әсер етеді деп есептеймін. Осының бәрі біздің қоға­мы­мызды алға апара­тын, демо­кра­тия­ны жаңа деңгейге көтеретін өзгерістер.
Алдағы уақытта болатын рефор­ма­лар­дың мәні мен маңызын осы сөзден-ақ түсінуге болар.
Олай болса, мен барша жер­лес­терімді 5 маусым күні дауыс бе­ріп, осы тарихи құжаттың қабылдауына өз үлестерін қосуға шақырамын.
Оразхан Ибраев,
Құлан ауылының тұрғыны, зейнеткер.

Поделиться ссылкой: