Күзгі екі айлық абаттандыру және санитарлық тазарту жұмыстарын ұйымдастыру туралы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31-бабы 1-тармағы 16) тармақшасына сәйкес, Т.Рысқұлов ауданы әкімдігі ҚАУЛЫ ЕТЕДІ:
1. Т.Рысқұлов ауданы көлемін­де 2022 жылдың 1 қыркүйегі мен 31 қазан аралығында абаттандыру және санитарлық тазарту жұмыстарын өткі­зудің күзгі екі айлығы жариялансын.
2. Абаттандыру және санитарлық тазарту бойынша күзгі екі айлық өткізу туралы аудандық штабтың құрамы (№1 қосымшаға сәйкес) бекітілсін.
3. 2022 жылғы күзгі абаттандыру және санитарлық тазарту жөніндегі іс-шаралар жоспары (№ 2 қосымшаға сәйкес) бекітілсін.
4. 2022 жылға арналған Т.Рысқұлов ауданы бойынша күзде жас көшеттерді отырғызу жоспары (№ 3 қосымшаға сәйкес) бекітілсін.
5. Абаттандыру және санитарлық тазарту бойынша күзгі екі айлық өткізілу жауапкершілігі бөлім және мекеме басшыларына жүктелсін және тізімі бекітілсін (№4 қосымшаға сәйкес).
6. Ауылдық округ әкімдері күзгі екі айлық кезінде:
– тал-дарақтар және жас көшеттер отырғызу, елді мекендерде тазалық жүргізу кезінде кең ауқымды іс-шаралар әзірлеп, жүзеге асыру;
– көлік және жаяу жүргіншілер жүретін жолдарды жөндеу, тұрғын үйлер мен қоғамдық ғимараттардың, жекеменшік үйлердің қасбеттерін жөндеу, жаңарту туралы тиімді жұмыстар жүргізу;
– көшелерде жарықтандыру, көрнекі құралдарды жаңарту, ескерткіштер мен бағандарды және шағын сәулет нысандарын ретке келтіру бойынша шаралар қабылдасын.
7. Луговой (Бауыржан Берикбайұлы Желеубаев) (келісім бойынша) және Ақыртөбе (Жандар Жақсылықұлы Мұздыбаев) (келісім бойынша) орман және жануарларды қорғау мекеме­леріне орман питомниктерінде қажетті көлемде көшеттер отырғызу шара­ларын жүзеге асыру ұсынылсын.
8. Ауылдық округ әкімдеріне және Жамбыл облысы полиция де­партаментінің Т.Рысқұлов аудандық полиция бөлімі бастығының міндетін атқарушы Даулетқұлов Шалқар Аяпбергенұлына (келісім бойынша) ауыл аймақтардағы учаскелік полиция қызмет­керлеріне ауданның елді мекен­дері мен олардың айналасындағы аумақтардың санитарлық жағдайына, белгіленбеген жерлерде, автомобиль және теміржол бойында кездейсоқ қо­қыс төгетін орындарды болдырмау­ға бақылауды күшейту ұсынылсын. Ат­қа­рылған жұмыстар туралы тұрғын үй-коммуналдық шаруашылығы, жолаушылар көлігі және автомобиль жолдары бөліміне айына бір реттен кем емес мәлімет беріп тұру ұсынылсын.
9. Ауылдық округ әкімдеріне «Таза Су – 2014» КМК-мен бірлесіп орта­лық­тандырылған су құбырлары бар ауылдардағы артезиан құдық­тары­ның айналасын тазартып, қорғау-қор­шау зонасын орнату, көше бойындағы су құбырларына тексеру жүргізіп, те­сіл­ген жерлерін уақтылы жою, байқау құдықтарын тазартып, бетін жабу, су құбырларына жылына екі рет көктем және күз айларында залалсыздан­ды­ру жұмыстарын ұйымдастыруды жүзеге асыру ұсынылсын.
10. Ауылдық округ әкімдері кез­дейсоқ жерде күл-қоқыстардың тас­талуына жол бермеу үшін өздеріне қарасты елді мекендерде арнайы күл-қоқыс тастайтын орынды көрсететін бағыттаушы және тиым салатын белгілердің орнатылуын қамтамасыз ету жұмыстарын жүргізсін.
11. Аудандық «Құлан таңы» газетінің редакторы Мұрат Тоқсанбайұлы Өмірзақовқа күзгі екі айлық абаттандыру және санитарлық тазарту бойынша жүргізіліп жатқан жұмыстар туралы газет бетіне жарияланып тұруын қамтамасыз ету ұсынылсын.
12. Осы қауылының орындалуын бақылау аудан әкімінің орынбасары Есеев Бауыржан Бақытжанұлына жүктелсін.

              Аудан әкімі                                                                                  Е.Есіркепов.

Поделиться ссылкой: