Қайырымдылық жасасаң, қайырымын өзің көресің!

528 Views

Жайдарлы жаз мезгілі де аяқталуға жақын. Айналасы 1 аптаның ішінде жаңа оқу жылы да басталғалы тұр. Білім күні қарсаңында Луговой ауылындағы 03811 әскери бөлімі респуб­ликалық «Мектепке жол» акция­сына қолдау көрсетіп, көпбалалы отбасы мүшелерінің алғысына бөленді. Атап айтсақ, жаңа оқу жылы қарсаңында 03811 әскери бөлімінің командирі, подполковник Кабиев Алмаз Серікұлының бастауымен дәл осы «Мектепке жол» акциясы атал­мыш әскери бөлімде қолдау тауып, көпбалалы және мектеп табалдырығын алғаш рет аттағалы отырған 1-сынып оқушыларына, яғни 10 балаға мектеп портфелі және оқуға қажетті құрал­дар табыс етілді. Одан бөлек, рота командирі, капитан Т.Ж.Турганбековтің атынан 1-сынып оқушысына мек­теп формасы сыйға тартылды.
Әскери қызметшілердің отбасы мүшелерімен жұмысты ұйымдастыру қызметінің қызметкері А.Кабиева бұл акция елімізде ұйымдастырылатын дәстүрлі іс-шаралардың бірі екенін айтып, жыл сайын жаңа оқу жылы қарсаңында әскери бөлімнің жеке құрамы атынан мектеп оқушыларына материалдық қолдау көрсетіліп жүргенін атап өтті.

Айгерім Кабиева,
03811 әскери бөлімінің әскери қызметшілердің отбасы мүшелерімен жұмысты ұйымдастыру қызметінің қызметкері.

Поделиться ссылкой: