5 команда финалға жолдама алды

Елімізде жастар қызыға көретін әзіл-қалжыңға толы бағдарламаның бірі – «Жайдарман» екені сөзсіз. «Жайдарман» қаралым жағынан да өзге бағдарламалардан көш ілгері болып тұр. Яғни, рейтингтік көрсеткішке ие. Бір жағынан қоғамда болып жатқан құбылыстарды жайдарманшылар уытты сөзбен түйреп, әзілге қосып жатады. Жастарымыздың бұл жобаны қызыға көріп, ден қоятын себебі де сондықтан болар, бәлкім!
Ауданымызда да «Жайдарман» ойыны кенже қалып тұр деп айта алмаймыз. Небір жақсы қомандалар шықты. Әлі де шығып жатыр. Бұлай деп айтуымызға жақында ғана аудан әкімдігі ішкі саясат бөлімінің «Жастар ресурстық орталығы» коммуналдық мемлекеттік мекемесінің ұйымдастыруымен Құлан агротехникалық жоғары колледжінде өткен жартылай финалдық ойын дәлел.
Ауданда «Жайдарман» ойындарын ұйымдастыру – тек жадағай сөз емес. Оның басты мақсаты – ауыл жастарының шығармашылық потен­циалын арттырып, достық қарым-қатынасты нығайту.
Жартылай финалда өнер көрсет­кен командалар сөйлеу мәнері, ой ұшқырлығы, мимика, ән мен би, әзіл-қалжың жағынан көрермендерге керемет көңіл-күй сыйлады. Ойын барысында командалар актерлік шеберлігі, ұтымды қалжыңдары ар­қылы қазылар алқасының көңілінен шыға білді.
Жартылай финалға 9 команда қатысып, нәти­жесінде «Көз тимесін», «Болтай батыр ұландары», «Метеорит», «ТТТ», «Пирамида» командалары үздік шы­ғып, финалдық ойынға жолдама алды.

«Құлан таңы» ақпарат.

Поделиться ссылкой: