Қауіпсіз өнімді таңдай білесіз бе?

253 Views

Т.Рысқұлов аудандық сани­тариялық-эпидемиологиялық бақылау басқармасы ай сайын ішкі сауда нарығында өнімдердің қауіпсіздігіне мониторинг жүргізеді. Мақсаты – өнімнің сапасы мен қауіпсіздігін, жалпы деңгейін арттыру, сондай-ақ, техникалық регламенттердің талаптарына сәйкес келмейтін заң бұзу­шылықтарды анықтау.
Ағымдағы жылдың 10 айының қорытындысы бойынша өнім қауіп­сіздігі мониторингі шеңберінде 12 азық-түлік дүкеніне және 2 дәріхана, 1 құрылыс дүкеніне тексеру тағайындау актісі ашылып, тамақ және тамақ емес өнімдерден (ет, сүт, балық өнімдері, көкөністер және тұрмыстық химия заттары, жеке гигиеналық заттар, балаларға арнал­ған тауарлар мен ойыншықтар) 189 өнім үлгісі іріктелді. Оның ішінде 28 (14,8%) өнім – отандық өндірушілердің тауары, 61-і (32,3%) ЕАЭО мүше мемлекеттердің өнімі, 58-і (30,7%) бас­қа елдерден және өндірушісі белгісіз өнімдер – 42 (22,2%) алынған болатын.
Нәтижесінде техникалық регламент талаптарына сәйкес келмейтін 135 (71,4%) үлгі анықталды, олардың ішінде ТРТС 022/2011 «Тағам өнім­дерін таңбалау» бойынша 134 және микробиологиялық көрсеткіш үлесіне сәйкес келмеу 1 сынаманы құрады.Сарапталған тауарлардың негізгі кемшіліктері өнімнің таңбалануын сақтамаудан болды. Атап айтқанда, мемлекеттік тілде ақпараттың болмауы, мемлекеттік тілге дұрыс аударыл­мауы, сақтау шарттары туралы ақпараттың болмауы, Қазақстан Респуб­лика­сындағы импорттаушының атауы мен мекенжайының болмауы.
Мониторинг барысында кәсіпкерлік субъектілерімен іс-шаралар жүргізіліп, сапа стандарттарына сәйкес келмейтін азық-түлік өнімдері сатылымнан алып таста­лынып, жеткізушілерге қайтарылды. Анық­тал­­ған заң бұзушылықтар бойынша кәсіп­керлік субъекті­лерінің атына 13 ұйғарым берілді. Осыған байланысты, Т.Рысқұлов аудандық санитариялық дәрігерлері ең алдымен таңбалауды (атауы, өнім­нің дайындалған ел­дің атауы, дайындаушының атауы мен орналасқан жері, дайындалған күні, жарам­дылық мерзімі, қажет болған жағдайда сақтау шарттары, жүгінген кезде қауіпсіздік шаралары, ес­кер­ту жазбалары) мұқият зерде­леуді ұсы­нады. Сани­та­рия­лық-эпиде­миологиялық бақылау қыз­меті техникалық регламенттің заң бұзу­шылықтарының алдын алу мақсатында өндірушілерді өнімді регламент талаптарына сәйкес таңбалауды сақ­тауға, сондай-ақ, өткізу кезінде өнімді бақылау құжаттарымен қамтамасыз етуге шақырады.
Егер Сіз таңбаланбаған және са­па­сы күмәнді өнімдердің сатылып жат­қанына куә болсаңыз, азаматтық ұстанымыңызды көрсетіңіз! Т.Рысқұлов аудандық санитариялық-эпидемио­логиялық бақылау басқар­масына хабар­ласыңыз.

Поделиться ссылкой: