Өрлей бер, өркениетке өсер елім!

123 Views

Өткен аптада аудандық орта­лық кітапхана қызметкерлерінің ұйым­дастыруымен орталық алаңда «Жазғы оқу» бағдарламасы аясында әдеби арбат өткізілді.
Ауданымыздың 85 жылдығына орай ұйымдастырылған әдеби арбаттың тақырыбы – «Өрлей бер, өркениетке өсер елім!» деп аталды.
Тағылымы мол іс-шарада дү­ниеде ештеңе теңестірілмейтін бі­лім бұлағының көзі, ғасырдан-ға­сырға адамзат тарихының ке­руенін сүріндірмей әкеле жатқан пара­саттылық пен білімділіктің киелі ордасы кітапхана мен Құлан өңірінен шыққан ақын-жазушылардың еңбектері туралы айтылды.
Шараға жиналған көрермендерге арнайы ұйымдастырылған «Т.Рысқұлов – 85 жыл», «Сиқырлы әлемге толы кітаптар», «Шежірелі – Т.Рысқұлов, қазыналы – Құланым» атты кітап көрмелеріне шолу жасалды.
Мұндай іс-шарада кітапхана оқырмандары үнсіз қалсын ба? Әрине, жоқ. Аудандық кітапхананың жас оқырмандары аталмыш әдеби арбатта өлең шумақтарын оқып, өз өнерлерін паш етті.
Аудандық кітапхананың қызмет­кер­лері орталық алаңға жиналған көрер­мен­дермен «Сұрақ-жауап» ретінде «Kinder» және «Book bingo» ойындарын ұйымдастырды. Олар осындай ойын түрлерін ұйымдастырып қана қоймай, өздері де ән салды. Кітапханашылар айтқан әнге көпшілік ерекше ықылас көрсетті. Осылайша ретро стильдегі фотозоналар жиналған әдеби арбат аудан жұртшылығына көтеріңкі көңіл-күй сыйлады.
Әлия Искакова,
аудандық кітапхананың кітапханашысы.

Поделиться ссылкой: