Ардагерлерді ардақтайық

151 Views

Төскейі төрт түлік малға, етегі егінге толы Тұрар Рысқұлов ау­да­ны­ның 85 жылдығына орай респуб­ликалық «Аманат» партиясы аудандық филиалының төрағасы Қанатбек Дәкенұлы Арыстанбеков партияның «Ардагерлерді ардақтайық» жобасы аясында аудандық ардагерлер үйін­де өңірдің өсіп-өркендеуіне, эконо­ми­ка­сының нығайып, көркеюіне сүбелі үлес қосқан бір топ ардагерлермен кез­десу өткізді. Ата салтымыз бойынша ұрпа­ғына өсиет айтар қариялардың иықтарына қазақы шапан жауып, құрмет көрсетті.
Ардагерлер үйінің кең мәжіліс залында өткізілген дөңгелек үстел басындағы кездесуде көпті көрген көнекөз қариялар ауданның жүріп өткен тарихи жолына тоқталып, 85 жыл ішінде атқарылған игі істер жөнінде келелі әңгіме қозғады. Қасиетті Құлан өңірінің тұңғиық шежіресі жайлы сыр шертісіп, республикадағы халыққа жақын, елдің мұң-мұқтажымен санасатын бірден-бір іргелі саяси ұйым – «Аманат» партия­сының саяси бағдарламаларына жан-жақ­ты қолдау білдірді.
Партияның аудандық филиалының ұйымдастыруымен ардагерлер арасында бильярдтан спорттық жарыс өткізілді. Тартысты болған бәсекеде жасы 80 нен асқан қадірменді қария Райзо Шәділбеков бірінші орынды жеңіп алса, еңбек ардагерлері Бейсенбай Таңбаев пен Омар Нұрмашев екінші және үшінші орындарды бөлісті. Жарыс жеңімпаздарына партия ұйымының арнайы дипломдары мен бағалы заттай сыйлықтары табыс етілді.
Кездесу соңында аудандық арда­герлер Кеңесінің төрағасы Қожайхан Бижанов пен Құлан ауылдық ардагерлер ұйымының жетекшісі Берік Әліпбаев келелі кездесу өткізіп, игілікті іс-шара жасаған «Аманат» партиясының аудандық филиалы мен оның төрағасына ризашылықтарын білдірді.

Т.Жаманбаев, ардагер журналист.

Поделиться ссылкой: