Анамның тілі – айбыным менің!

58 Views

Ана тілі – жүректің терең сырларын, басынан кешкен дәуірлерін, қысқасы, жанның барлық толқындарын ұрпақтан-ұрпаққа жеткізіп сақтап отыратын қазына…
Жүсіпбек Аймауытов.

Ең құдіретті де қастерлі тіл – қа­зақ тілі. Қазақ халқының тамыры тереңге жайылып, тарихымыз бен мәдениетіміздің қанат жайып, дүйім жұртқа танылуына ана тіліміздің тигізер пайдасы орасан зор. Әр халықтың бірлігі мен тату­лығының сақталуына тікелей ықпал ететін – сол халықтың мемлекеттік тілі. Сондықтан да шыр етіп дүние есігін ашқаннан бастап анамыздың ақ сүтімен бойымызға даритын ана тіліміз әркез қадірлі де қастерлі. Қазақ тілі – көркем әрі ең бай, шұрайлы, тегеуріні мықты тілдер қатарында десек қателес­пейміз.
Еліміздің тарихын, өркениеті мен мәдениетін дүние жүзі халықтарына әйгілі етіп таныту үшін қазақ тілінің атқарар рөлі маңызды.
Қазақ тілі – сыр-сандықта сақ­тал­ғандай қасиеті мен құрметін жоғалт­паған тіл. Сонау ата-бабамыздан асыл мұра болып келе жатқан ана тіліміз сарқылмас бай­лықпен пара-пар. Келер ұрпақ өмір­ге келген сәттен бастап туған тілімізбен сусындаса, сол арқылы елдің тари­хын, шежіресін, сөз киесін түсініп, ұлт­тық құндылықтарды бойына сіңіріп, көңіліне тоқып өседі.
Қазақ тілінің тұғырлы болып тұруы мына біз бен сізге тікелей байланысты. Ата-баба қанымен бойымызға тараған киелі қазақ тілінің ғұмырлы болуына әрбіріміз жауаптымыз.
Қазақ тілі – қазақ хал­қының және оның шекарасынан тыс өмір сүріп жатқан барша қазақтардың ұлт­тық тілі. Тәуелсіз елдің тұғырлы тілі кең өріс алып, дами берсін. Мен үшін өз Ана тілім қашанда қастерлі әрі бағалы.

Т.Рысқұлов аудандық
«Тілдерді оқыту» бөлімшесі.

 

Поделиться ссылкой: