Айтылған мәселе айқайсыз-ақ әркез шешімін табады

359 Views

Тұрғындар көп көтеретін сауалдың бірі – жол мәселесі. «Қайыңды-Тереңөзек-Ақыртөбе» бағытындағы жолға қатысты да мәселе осы уақытқа дейін талай айтылды, жазылды. Тұрғындардың тілегі ескеріліп, аудандық атқарушы билік өкілдері бұл мәселенің де шешімін тапты ақыры. Биыл «Қайыңды-Тереңөзек-Ақыртөбе» бағытындағы ұзындығы 15 шақырымды құрайтын аудандық мәндегі жолға асфальт төсеу жұмыстары жүргізілуде. Айта кетейік, бұл бағыттағы жол жөндеу жұмыстары «Қуатты өңірлер – ел дамуының драйвері» бағдарламасы аясында жүзеге асырылуда. Құрылыс мердігері – «Құлан жолдары» ЖШС-і. Сонымен қатар, ағымдағы жылы аудан аумағында «Ауыл – ел бесігі» бағдарламасы шеңберінде жалпы ұзындығы 23,9 шақырымды құрайтын 13 елді мекеннің 20-ға жуық көше жолдары жөндеуден өтуде.

«Құлан таңы» ақпарат.

Поделиться ссылкой: