Келісімшарт бойынша әскери қызметке қабылдау

81 Views

Келісімшарт бойынша әскери қызмет – бұл мемлекеттік қызметтің ерекше түрі ғана емес, кәсіби өсу келе­шегін беретін, әскери қызметкердің өзінің, оның отбасының әлеуметтік қор­ғалуын қамтамасыз ететін абыройлы жұмыс. Біздің мақаламыз келісімшарт бойынша әскери қызметкерлер қатарына қосыл­ғысы келетін азаматтар үшін ғана емес, сонымен қатар келісімшарттық қыз­мет деген не және оның қандай мүм­кіндіктері бар екендігі туралы мәсе­ле толғандыратын азаматтар үшін де пай­далы болады.
«Әскери қызмет және әскери қызмет­шілердің мәртебесі туралы» заңда көрсетілгендей, ең бірінші басты талап – келісімшарт бойынша әс­кери қызметке үміткерлер Қазақстан Респуб­ликасының азаматы болуы тиіс. Жасы 30-ға дейінгі, әскери есептілік ма­мандыққа ие, мерзімдік әскери қыз­метті өткерген немесе Қорғаныс министрлігінің мамандандырылған меке­ме­лерінде ақылы негізде арнайы әскери даяр­лықтан өткен болуы тиіс. Мемлекет шамадан тыс жүктемеде, сондай-ақ, қо­лайсыз ауа-райы шарттарында әскери қызметті атқаруға байланысты әлеу­меттік қызметкерлер үшін әлеу­меттік қолдауды көздейді. Біздің ел әскери қызмет­керлердің өздеріне де, сондай-ақ, олар­­дың отбасы мүшелеріне де қажетті көмекті көрсетуге тырысады.
Келісімшарт бойынша әскери қызметтің басымдығы:
– тұрғын үйді жалдауға төлемнің кепілдігі;
– тегін медициналық қамсыздану;
– тұрақты еңбекақы;
– Киім-кешекпен қамтамасыз етілу және қолданыстағы заң аясында өзге де әлеуметтік кепілдіктер.
Келісімшарт бойынша әскери қыз­метіне қалай орналасуға болады?
Келісімшарт бойынша әскери қыз­метке қабылдау үшін сізге, Т.Рысқұлов аудандық қорғаныс істері жөніндегі бөлім­ге келуіңізге болады. Ол үшін: жеке куә­ліктің көшірмесі, әскери билеттің көшір­месі, білімі туралы құжаттың нотариуспен расталған көшірмесі, неке қию туралы және балаларының тууы туралы куәліктің көшірмесі керек.
Кандидат іріктеудің бірнеше кезе­ңі­­нен өтеді. Бірінші іріктеу қорғаныс істері жөніндегі бөлімінде өтеді. Бұл медициналық тексерулер, құжаттарды тексеру, түрлі жерлерге сұраулар жолдау (сотты болмағандығы, әкімшілік жауап­кершілікке тартылмағандығы жөнінде анықтамалар). Келісімшарт бойынша әскери қызмет атқару кезінде сырттай оқу орындарында қосымша азаматтық білім алуға мүмкіндік береді. Ол үшін еңбекақысы сақталатыны оқу дема­лыстары беріледі.
54179 әскери бөлімінің штаты өсуіне байланысты, төменде көрсетілген лауазымдарды сержанттар және қатар­дағы жауынгерлер құрамындағы бос лауазымдарын ұсынамыз:
Әскери бөлімінде көрсетілген санаттағы бос лауазымдар:
– маман (жүргізуші-электрик) – қатардағы жауынгер – 20 адам;
– маман (механик) – қатардағы жауынгер – 1 адам;
– маман (оператор) – қатардағы жауынгер – 3 адам;
– маман (жүргізуші) – қатардағы жауынгер – 16 адам;
– маман (жүргізуші- электрик) –қатардағы жауынгер – 7 адам;
– маман (оператор)- қатардағы жауынгер – 4 адам;
– аға маман (аға оператор) – ефрейтор – 4 адам;
– аға маман (аға аспаз) – ефрейтор – 1 адам;
– маман (радист) – қатардағы жауынгер – 1 адам;
– маман (электрик- аккумуляторшы) – қатардағы жауынгер – 1 адам;
– маман (токарь) – қатардағы жауынгер – 1 адам;
– маман (дәнекерлеуші-вулка­низаторшы) – қатардағы жауынгер – 1 адам;
– маман (жүргізуші-краншы)- қатардағы жауынгер – 1 адам;
– сарбаз (атқыш) – қатардағы жауынгер – 26 адам.
Келісімшарт бойынша әскери қызметке ниет білдірген азаматтар Т.Рысқұлов аудандық қорғаныс істері жөнін­дегі бөлімінен толық ақпарат алу­ға болады. Мекенжайы Құлан ауылы, Жібек жолы көшесі көшесі 126.

Т.Рысқұлов аудандық қорғаныс істері жөніндегі бөлім.

Поделиться ссылкой: