Жемқорлық – індет, жою – міндет

66 Views

Т.Рысқұлов ауданында «Қоғамда сыбайлас жемқорлыққа қарсы құқықтық мәдениетті қалыптастыру бағытындағы шараларды ұйымдастыру» тақырыбындағы мемлекеттік әлеуметтік тапсырысы жүзеге асырылуда. Ағымдағы жылы аудан әкімдігі ішкі саясат бөлімінің тапсырысымен аудан аумағындағы ауылдық округтерде «Сыбайлас жемқорлыққа қарсы мәдениетті қалыптастыру» тақырыбында қоғамды жайлаған жемқорлықтың алдын алу мәселелері бойынша кездесулер, «Жемқорлықсыз болашақ» атты білім беру мекемелерінде академиялық адалдық және парасаттылық бойынша дәрістер мен семинарлар ұйымдастырылуда. Қазіргі таңда Тараз қаласынан заңгер мамандары тартылып, ауылдық округтерде кездесулер өткізілуде.

Түсіндірме жұмыстары жүргізілді

Ағымдағы жылы Т.Рысқұлов ауданы әкімдігі ішкі сая­сат бөлімінің тапсырысымен және «Komek.Demeu.kz» қоғам­дық қорының ұйымдастыруымен Құлан ауылдық окру­гінде орналасқан Жамбыл облысы әкімдігі білім басқар­масының Құлан агротехникалық жоғары колледжі қабыр­ғасында суденттерге арналған «Жемқорлықсыз бола­­шақ» атты академиялық адалдық және парасаттылық бойынша семинар ұйымдастырылды. Семинарға Жамбыл облыстық нотариаттық палатасының жетекші заңгері, коучер Өмірбеков Данияр Маратұлы шақырылды. Данияр Маратұлы студенттерге өзінің студенттік өмірі жайлы, заң саласына қалай келгендігі, заң аясында студенттер қол жеткізе алатын мүм­кіндіктермен және жемқорлықтың еліміздің болашағына және жастар болашағына қандай кері әсер ететіндігін мысалдар келтіре отырып жеткізді. Семинар соңында кері бай­ланыс орнатылып, студенттер қажетті сұрақтарына жауап алды.

Жемқорлық – жегі құрт

Тапсырыс аясында «Komek.Demeu.kz» қоғамдық қорының ұйымдастыруымен аудан аумағындағы ауылдық округтерде «Сыбайлас жемқорлыққа қарсы мәдениетті қалып­тастыру» тақырыбындағы кездесулер жалғасын тапты. Атап айтқанда, кездесулер Құлан, Луговой, Көкдөнен, Көгершін, Құмарық, Ақыртөбе, Өрнек, Қайыңды, Тереңөзек, Ақниет, Ақбұлақ, Қорағаты, Абай, Қарақыстақ, Жаңатұрмыс ауылдарындағы мектеп қабырғаларында, бөбекжайларда және медициналық мекемелерде өтіп, ауқымды жұмыстар жүргізілді.

Осы біз атаған, яғни Құлан, Луговой, Көкдөнен, Көгершін, Құмарық, Ақыртөбе, Өрнек, Қайыңды, Тереңөзек, Ақниет ауылдарындағы мектеп қабырғаларында өткен кездесулерге Жамбыл облыстық нотариаттық палатасының жетекші заңгері, коучер Өмірбеков Данияр Маратұлы және заңгер Мамыш Дәурен Дастанұлы арнайы шақырылып, құқықтық сауаттылық әрі сыбайлас жемқорлық төңірегінде аталмыш ауылдың тұрындарына тұшымды ақпараттар айтты.

Поделиться ссылкой: