Қайырымдылық – асыл қасиет
124 Views
Қазіргі таңда еліміздің он аймағына төтенше жағдай жарияланды. Күні кеше Президент осыған байланысты үндеу жариялады. Президент облыстардағы су тасқыны жағдайын бақылауда ұстап отырғанын, су басу қаупін сейілту үшін барлық шараның қабылданып жатқандығын жеткізді. Үкімет қарғын судан зардап шеккен азаматтарға көмек көрсетіп, материалдық шығындарын өтеп беретінін мәлімдеді.
Бұл жағдай қазақстандықтарды бей-жай қалдырмады. Су тасқыны болған аймаққа көмек көрсету үшін бүкіл ел жұмылып жатыр. Әрбір аудан мен қалада отандастарды қолдау мақсатында көмек көрсетіліп жатыр. Осы орайда, біздің ауданда игі істен мақұрым қалмады. #Күшіміз – бірлікте!# деген ұстаныммен аудан орталығына екі бірдей жүк көлігі қойылды. Бұл су тасқынынан зардап шеккен тұрғындарға қолдау көрсету мақсатында ұйымдастырылды. Қазіргі уақытта онда барып, түрлі заттар тапсырып жатқан құландықтар аз емес. Оның арасында азық-түлік киім-кешек, гигиеналық заттар және тағы басқа ең қажетті бұйымдар бар.
«Құлан таңы» ақпарат.