Кварцит өндіру бағытындағы ірі инвест жоба жұмысы зерделенді
45 Views
Өткен аптада аудан әкімі Ернар Есіркепов аудан аумағында іске асырылып жатқан «ҚазПромЛит» ЖШС-нің кварцит өндіру бағытындағы инвестициялық жобасының жұмыс барысын зерделеді. Жоба құны 5 млрд. теңгені құрайтын инвест жоба аясында бүгінде темір жол тұйығы салынып, ұзақтығы 28 шақырым көлік жолының негізі төселуде. Аудан басшысының зерделеуінде инвестормен шикізатты уатқыш арнайы қондырғыны орнатуға тиімді жер учаскесі қаралып, ұсыныстар талқыланды. Жалпы, аудан басшысына инвестор келер жылдың көктеміне дейін инвест жобаның инфрақұрылымын аяқтап, алғашқы шикізатты өндіріске жіберу жоспарланып отырғандығын жеткізді.
Айта кетейік, аталған жоба сәтті іске асқан жағдайда 40 адам тұрақты жұмыспен қамтылып, жылына 60 мың тонна шикізат өндірілетін болады.
Аудан әкімінің баспасөз қызметі.