АУДАНДА ӨЗЕКТІ МӘСЕЛЕЛЕР сараЛАНДЫ

Апта басында аудан әкімі Ернар Есіркеповтің төрағалығымен өткен еркін форматтағы кеңесте тұрғындардың өмір сапасын арттыруға бағытталған маңызды мәселелер қаралды. Кеңеске ауыл әкімдері мен бөлім басшылары және облыстық басқармаларға бағынысты мекемелердің басшылары мен өкілдері қатысты. Жиында тұрғындарға жайлы орта қалыптас­тыру үшін темір жол өткелдеріндегі жағдайды жақсарту, әскерге шақыру науқанын сапалы өткізу және тегін медициналық көмекке қолже­тімділікті арттыру жолдары талқыланды. Сон­дай-ақ, орман шаруашылығының тиімділігі мен егістікті зиянды жәндіктерден, тал-дарақтарды түрлі экологиялық аурулардан қорғау мәселелеріне де ерекше назар аударылды. Сонымен қатар ағын су мөлшерін молайту, оны тиімді пайдалану, салық талаптарының орындалуын бақылау және төтенше жағдай қызметінің жұмысы талқыға салынды. Әр мәселе бойынша нақты шешімдер қабылданып, тиісті сала басшыларына тапсырмалар берілді. Айта кету керек, бұл кеңесте айтылған бастамалар аудан тұрғындарының өмір сапасын жақсартуға бағытталады.

Жәнібек БАЗЫЛБЕК.

Поделиться ссылкой: