Зиянды әрекеттер – жақсылыққа апармайды

Жамбыл облыстық пікір­сайыс одағы «Еркін пікір» жастар қоғамдық бірлестігі Т.Рысқұлов ауданы әкімдігі ішкі саясат бөлімінің «Наша­қорлық пен есірткі бизне­сіне қарсы іс-шаралар ұйым­дастыру» тақырыбындағы мемлекеттік әлеуметтік жо­басы аясында бірнеше іс-шараларды жүзеге асырды. Жоба аясында Т.Рысқұлов ауданының түрлі ауылдарында мектеп оқушылары мен жас­тарға есірткіге қарсы профи­лактикалық жұмыстар жүр­гізілді. Шараның басты мақ­саты – жасөспірімдер арасында зиянды әдеттердің алдын алу, есірткінің қауіптілігі туралы ақпарат беру және құқықтық сауаттылықты арт­тыру болды. Іс-шараларда психологиялық тренингтер мен ашық әңгімелесулер өткізілді. Мысалы, Құлан мектеп-гимназиясында психолог Шолпан Рахым­бер­диева мотивациялық бағытта тренинг өткізіп, жастарға есірткіге тәуелділіктің салдары мен одан сақтану жолдары туралы терең ақпарат берді. Сонымен қатар дұрыс орта мен отбасылық қолдаудың маңыздылығы да сөз болды. Қатысушылар спикермен ашық диалогқа түсіп, пікір алмасты. Осылайша оқушыларға өз болашағына жауапкершілікпен қарау дәріптеліп, есірткі сияқты зиянды әдеттерден аулақ болу үшін ішкі тәртіп пен дұрыс ортаның маңызды рөл атқаратыны айтылды. Құмарық ауылындағы Болтай батыр атын­дағы орта мектебінде өткен кездесу барысында да оқу­шыларға нашақорлықтың адам психологиясына тигізетін зияны мен оның отбасылық және әлеуметтік өмірге кері әсері туралы түсіндірілді. Психолог жастарды салауатты өмір салтын ұстануға, зиянды әдеттерден аулақ болуға шақырды. Кездесу барысында жастар көкейлерінде жүрген сұрақтарын қойып, маманнан тұшымды жауаптар алды. Сонымен қатар Тараз қалалық мәслихатының депутаты Лесбек Азамат Ә.Бөкейханов атындағы орта мектебінде өткізілген іс-шарада жастар тәрбиесінде отбасының, білімнің және дұрыс орта таңдаудың маңыздылығын атап өтті. Ол есірткінің адам өміріне әкелетін зиянды салдарын нақты мысалдармен түсіндіріп, нашақорлықтың тек жеке адамға ғана емес, бүкіл қоғамға кері әсер ететінін айтты. Сонымен қатар жастарға өз болашақтарына жа­уап­кершілікпен қарап, дұрыс таңдау жасауға, салауат­ты өмір салтын ұстануға ша­қырды. Кездесу барысында ол жастардың құқықтық сауат­тылығы, салауатты өмір салты мен қоғамдағы белсенділіктің маңызы туралы да ой бөлісті. Бұл кездесулердің бәрі жас­тарға өз болашағына саналы көзқараспен қарауды, азаматтық жауапкершілікті арттыруды, сондай-ақ, есірткі мен басқа да зиянды әдеттерден аулақ болуды түсіндіруге бағытталды.

QT – ақпарат.

Поделиться ссылкой: