Өрнек ауылдық округінің әкімі лауазымына үміткер Әбіләшім Анварбекұлы Мырқасымовтың өмірбаяны мен сайлауалды бағдарламасы

36 Views

Өмірбаяны
Әбіләшім Анварбекұлы Мырқа­сымов 1991 жылдың 9 шілдесінде Көкдөнен ауылында дүниеге келген. 2010 жылы Тараз қаласындағы Та­раз мемлекеттік педагогикалық инсти­тутына «Бастапқы әскери даярлық» мамандығы бойынша жоғары оқу орнына түсіп, 2014 жылы аталған оқу ордасын тәмамдаған. Білімі – жоғары.
Еңбек жолын 2014 жылы Тараз қаласындағы «Тарлан Сарбаз» ЖШС-нен бастаған. 2014-2017 жылдар аралығында Тараз қаласындағы «Тар­лан Сарбаз» ЖШС-інде күзетші, 2017-2019 жылдары Тұрар Рысқұлов ауданы әкімдігі ішкі саясат бөлімінің «Жастар ресурстық орталығы» КММ-нің Көкдөнен ауылдық округі бойынша инспекторы, 2019-2020 жылдары «Жастар ресурстық орталығы» КММ-нің аға инспекторы, 2020-2021 жылдары «Жастар ресурстық орталығы» КММ-нің ұйымдастыру және бақылау бөлімінің басшысы болып еңбек еткен. 2021-2023 жылдары «Жастар ресурстық орталығы» КММ-нің дирек­торы болды. 2023 жылдың 13 қыр­күйегінен бастап қазіргі уақытқа дейін «Жастар ресурстық орталығы» КММ-сі директорының орынбасары болып қызмет атқарып келеді.
Сайлауалды бағдарламасы
Құрметті сайлаушылар! Өрнек ауылдық округі ауданнан шалғай жатса да, бұл ауылдық округтегі жалынды жастардың қарым-қабілетін мен жақсы біле­мін. Өзім аудандық «Жастар ресурс­тық орталығы» КММ-сінде еңбек ете­тіндіктен, көптеген іс-шараларда мен бұл ауылдық оругтегі жастардың кез келген жарысқа болсын, іс-шараға болсын, тыңғылықты дайындалатынын да білемін. Егерде мені қолдасаңыздар, мен ауылдық округ жастарына әрқашан қолдау көрстетуге дайынмын.
Өрнек ауылдық округі аудан аума­ғындағы үлкен ауылдық округтің бірі. Егер мен сіздердің сенімдеріңізге ие болып, Өрнек ауылдық округінің әкімі лауазымына сайлансам, алдағы 4 жылда ауыл ақсақалдарымен ақылдасып, көп мәселенің түйінін шешуге қолымнан келгеннің барлығын жасар едім. Ауыл­дық округтегі аға буынның да, орта буынның да және жастардың да кез келген айтар ұсынысын мен өз бақылауымда ұстар едім. Аудандық немесе облыстық бюджеттен қаржы қарастыруға ұсыныс беріп, тозығы жеткен су құбырларына, жалпы ауылдағы ауыз су жүйесіне күрделі жөндеу жұмыстарын жүргізуге, тұрғындардың күнделікті тұрақты түрде таза ауыз суды пайдалануына ықпал ету – менің негізгі жұмыс жоспарымның бірі болмақ. Ауыл жастарын мамандығына сай жұмысқа орналасуына ықпал етуге, техникалық және өндіріс са­ла­сы бойынша мамандығы бар ауыл жастарын жұмысқа орналас­тыруға ықпал жасайтын бола­мын. Ауылдағы көше тазалығын қалып­ты жағдайда ұстау, ауылды көрік­тендіру және көгеріштендіру, ауыл көше­лерін жарықтандыру және ауыл­ішілік жолдарға ағымдағы жөндеу жұмыстарын жүргізуге де басты назар аударсам деймін. Ауылдық округ­тегі кәсіпкерлерге де қолдау білді­ремін. Ауылдағы шағын және орта бизнестің барынша дамуы үшін мемлекеттік бағдарламаларға сәйкес, ауыл тұрғындарының төменгі пайызбен несие алуына, қайтарымсыз грант қаражаттарына қол жеткізуіне жәрдемші боламын. Әлеуметтік жағынан аз қамтылған отбасыларды, көп балалы аналарды және осал топтарға жататын азаматтарды қолдауға арналған шаралардың іске асуын қолға алуды межелеп отырған жайым бар.
18 мамырда сіздерді ауылдық округ әкімінің сайлауына белсене атсалысуға шақырамын. Ең бас­тысы сайлау учаскесіне келіп, өз таң­дауыңызды жасаңыз!

Поделиться ссылкой: