Өлеңі – өмірі
26 ViewsАстанадан, облыс орталығынан шалғай ауылда тұрап-ақ, адам баласының рухани күшінің қайыспас қайсарлығын танытып, күйкі тірліктің шаңына көмілмей, көкірегінде тулап жатқан шалқар ойды өлеңмен өрнектеп…
Кітап – мәңгілік елдің құндылығы
95 Views
«Әулиеата – кітап оқитын өңір» жобасы аясында жақында аудандық орталық кітапхананың оқу залында «Кітап – мәңгілік елдің құндылығы» атты библиокафе өтті. Іс-шараның мақсаты – кітаптың ұлттық руханияттағы орны мен құндылығын насихаттау, оқырмандардың кітапқа деген сүйіспеншілігін арттыру және шығармашылық пікір алмасу арқылы әдебиетке қызығушылықты ояту.
Библиокафені аудан әкімінің орынбасары Қайрат Әбілханұлы сөз сөйлеп, ашып берді.
Кітап – елдің болашағы мен рухани тірегі екендігі жайлы кеңінен әңгіме өрбіді.Оқырмандар еркін форматтағы библиокафе отырысына жиналып, өзара кітап туралы ой бөлісіп, рухани мазмұнды кездесу болды.
Қатысушылар белсенділік танытып, өздері оқыған сүйікті шығармалар туралы ойларын ортаға салды. Әсіресе қазақ классиктерінің, заманауи авторлардың шығармаларына тоқталып, қызықты пікірлер мен ұсыныстар айтылды. Сонымен қатар үздік оқырмандар арнайы марапатталып, оларға алғыс хаттар мен сыйлықтар табысталды.
Бұл библиокафе оқырман мен кітапхананың арасындағы байланысты нығайтып, кітап оқудың мәнін ұғындырған рухани кездесуге айналды. Осындай шаралар жастарды тәрбиелеуде, кітапқа баулуда маңызы зор екені айқындалды.
Әлия Искакова,
аудандық кітапхананың кітапханашысы.