Ұлттық мүдде – баршаға ортақ құндылық

Осы аптада Құлан агротехникалық колледжінде «Ұлттық мүдде – басты құндылық» тақырыбында кеңейтілген жиын өтті. Іс-шараны аудандық ардагерлер кеңесі ұйымдастырып, оған облыстық ардагерлер кеңесінің төрағасы Еркінбек Солтыбаев пен оның орынбасары, «Ғұмыр – Дария» газетінің бас редакторы Жаңабай Миллионов арнайы қатысты.

Жиынның негізгі мақсаты – өңірдің әлеуметтік-экономикалық және қоғамдық мәселелерін көтеру, оларды шешудің жолдарын қарастыру және құзырлы органдарға ұсыныстар беру.
Басқосуға аудан әкімінің орынбасары Қайрат Исмаил, аудандық ардагерлер Кеңесінің төрағасы Қожайхан Бижанов, сондай-ақ, ауылдық округ ардагерлері, билер кеңесі, әкелер мен аналар кеңесінің мүшелері, колледж студенттері және әлеуметтік сала қызметкерлері қатысты.
Күн тәртібіндегі басты мәселе – Мемлекет басшысы Қасым-Жомарт Тоқаевтың Жолдауында және Ұлттық құрылтайда көтерілген бастамалар аясындағы «Жұмысшы мамандықтар жылы» шеңберінде ардагерлер ұйымдары атқарып жатқан жұмыстар. Биылдың өзінде 800-ге жуық адамды қамтыған 10-нан астам шара ұйымдастырылған. Алдағы уақытта «КІ-ТАР» зияткерлік сайысы, «Еңбегім – еліме» форумы, түрлі кәсіби байқаулар мен спорттық жарыстар өткізу жоспарланған.
Келесі мәселе 2025 жылдың екінші жарты­жылдығына арналған ардагерлер басылымына жазылу жайы қозғалды. Бұл туралы Жаңабай Миллионов мазмұнды баяндама жасап, басылым­ның қоғам­дағы орны мен маңызын атап өтті.
Жиынды Еркінбек Солтыбаев қорытындылап, ардагерлердің ел дамуындағы рөлін ерекше атап өтті. Оның айтуынша, ардагерлер – елдің рухани тірегі, ұрпаққа бағыт беретін дара тұлғалар.
Аталған басқосу – өңірдегі өзекті мәселелерді ашық талқылауға, нақты ұсыныстар айтуға мүмкіндік берген маңызды алаң болды.

Ақжарқын Мұратбекқызы.

Поделиться ссылкой: