Көгершінде Астана және домбыра күндері аталып өтті
82 Views
Өткен аптада Көгершін ауылында Астана күні мен Ұлттық Домбыра күніне орай «Ұлттық домбыраның құдіреті – Астана күні төрінде» атты мерекелік шара өтті. Іс-шараны Көгершін ауылдық аналар кеңесі ұйымдастырды.
Мерекелік кешке аудан әкімінің орынбасары Қайрат Әбілханұлы, аудандық ардагерлер Кеңесінің төрағасы Қожайхан Қазыбайұлы, ақсақалдар алқасының төрағасы Серік Асанханұлы, билер кеңесінің төрағасы Нысанбай Шотайұлы, сондай-ақ, аудандық аналар кеңесінің төрайымы Түзел Алагөзова мен кеңес мүшелері және ауыл тұрғындары қатысты.
Мәдени бағдарлама барысында ауыл өнерпаздары ән шырқап, күй тартып, би билеп, ұлттық өнерді кеңінен дәріптеді.
Сондай-ақ, шара соңында ауылдың қоғамдық өміріне белсенділік танытып жүрген бірқатар аналар ауыл әкімінің атынан марапатталды.
Ақжарқын МҰРАТБЕК.