Инвестжобалар арқылы әлеуметтің әлеуеті артады
31 ViewsБиылғы жылға жоспарланған бірқатар инвестжобалар барысында алдағы жоспарлар мен міндеттер сараланды. Соның ішінде, жобалық құндары 400 млн.теңге құрайтын Алғабас ауылындағы жылына 300 бас ірі…
Өз халқының қадір – қасиетін ұға білген жан ана тілін аяқ асты етпейді, өзге тілді де өзекке теппейді. Тіл қандай да болмасын ұлттың, халықтың баға жетпес рухани қазынасы, ұлттық санамен байланысты мақтан тұтар ардақтысы.
Жыл сайын қыркүйек айында Қазақстан Республикасының Тілдер мерекесі аталып өтеді. Осындай ауқымды іс-шараға Алғабас шағын орталықты орта мектебі де атсалысып, «Тіл мәртебесі – ел мерейі» атты апталық өткізді.
Осыған байланысты мектепте «Тіл мәртебесі – ел мерейі» тақырыбында баяндама, «Мемлекеттік тіл – менің тілім» атты кітап көрмесі, «Тіл – ел байлығы» эссе байқауы, «Мен елімнің ертеңімін» сурет көрмесі, «Тілім – тірегім, соғып тұрған жүрегім!» атты тәрбие сағаты, «Тіл татулық тірегі» мәнерлеп оқу, «Тілім менің – таусылмайтын байлығым» атты жас ақындар байқауы, «Үш тілдің патшалығы» (қазақ тілі, орыс тілі, ағылшын тілі) сайыс сабағы өтті.
Қазақ тілінің байлығы – қазақ халқының, қазақ ұлтының байлығы. Осы байлықты бағалай білуіміз керек. Сонда ғана біздің Қазақстан кез келген жұртпен иық теңестіре алатын іргелі ел бола алады.
М.ЖАПАРҚҰЛОВА,
Алғабас шағын орталықты орта мектептің қазақ тілі мен әдебиеті пәні мұғалімі.