Игі істің басына – жақсы келер қасына
27 ViewsҚазақта «Игі істің басына – жақсы келер қасына» деген қанатты сөз бар. Ауылымызда қашанда игі бастамаларды қолға алып, көпшіліктің құрмет-қошеметіне ие болып жүрген азаматтар…
Мемлекет басшысы Қасым-Жомарт Тоқаевтың Қазақстан халқына арналған Жолдауында білім саласына айтарлықтай көңіл бөлінген. Дәлірек айтар болсақ, Жолдаудағы «ӘЛЕУМЕТТІК ЖАҢҒЫРУДЫҢ ЖАҢА КЕЗЕҢІ» деп аталатын бөлімінде Қасым-Жомарт Кемелұлы әлеуметтік салаларды дамыту үшін баса мән берілетін бағыттарды айқындап, солардың ішінде ең бірінші білім беру сапасын жақсарту керектігін жеткізді. Президент алғашқы Жолдауында елімізде еңбек ресурстарының балансын есепке алудың тиімді әдістемесі әлі күнге дейін әзірленбегенін айта келе, мамандар даярлаудың отандық жүйесі нақты еңбек нарығынан тыс қалғандығын қадап айтты. Осы олқылықтарды шешу аясында дұрыс шешім қабылдап, бағыты айқын, жүйелі жұмыстарды жүргізу керектігін алға тартты. «Жыл сайын 21 мыңға жуық мектеп түлегі кәсіби және жоғары оқу орындарына түсе алмай қалады. Жастардың бұл тобы жұмыссыздар мен маргиналдардың негізін құрайды. Олар амалының жоқтығынан қылмыстық және экстремистік ағымдардың ықпалына түсуде. Біз оқушылардың қабілетін айқындап, кәсіби бағыт-бағдар беру саясатына көшуіміз қажет. Бұл саясат орта білім берудің ұлттық стандартының негізі болуы тиіс. Экономикамызда техника саласының мамандарына сұраныс өте жоғары, бірақ мүмкіндіктер аз. Кәсіпорындар тиісті мамандарды шетелден шақыруға мәжбүр. Осындай келеңсіз жағдайды жедел түзетуіміз керек» — деп, мәселенің шешу жолдарын атап көрсетті.
Мемлекет басшысы одан бөлек қала мен ауыл мектептері арасындағы орта білім сапасы алшақтап бара жатқанын негізгі мәселе ретінде атап өтіп, ауылдық жерлердегі білікті педагог кадрлардың тапшылығын бірте-бірте жоюды тапсырды. Ол үшін Елбасы бастамасымен қолға алынған «Дипломмен – ауылға» бағдарламасының аясын кеңейтіп, жұмысты жаңа деңгейде жалғастыру қажеттігін айтты. Осылайша Үкіметке келесі жылдан бастап осы бағдарламаны қаржыландыруды 20 миллиард теңгеге жеткізу керектігін айтып, пәрмен берді.
Аталмыш бастамалар мен қолдаулар болашағымызды баянды етуге бағытталған жұмыстар деп бағалауға болады. Өз кезегінде ұстаздар қауымы келешегіміз кемелді болуы үшін Жолдауға қолдау білдіре отырып қызмет етеді деген сенімдеміз.
Р.Жаңабердиева,
Болтай батыр атындағы шағын орталықты орта мектептің директоры, «Құмарық» бастауыш партия ұйымының төрайымы.