Ұстаздар ұлықталды

452 Views

Қазан айының бірінші жексенбісі – ұстаздар күні. Жыл сайын аталып өтетін ұстаздар күні биыл да жоғары деңгейде ұйымдастырылды. Мэлс Өзбеков атын­дағы аудандық мәдениет үйін­де өткен салтанатты жиын мектеп оқушыларының орын­дауындағы «Ұстаз-Ана» әнімен ашылды. Мектеп мұғалімдері мен ардагер ұстаздар қатысқан ме­рекелік жиында аудан әкі­мі Ерболат Садырқұлов құттық­тау сөз сөйлеп, жағымды жаңа­лықтарымен бөлісті. «Мұ­ғалімдер мерекесі орны бөлек, дә­режесі биік, ең ұлағатты мереке. Тәрбиелі де білімді ұр­пақты қалыптастыру жауап­кершілігі ұстаздар қауымына жүк­телуі осы мамандықтың қан­шалықты қастерлі екенін айғақ­тайды. Мемлекет бас­шысы Қасым-Жомарт Тоқаев жуырда ғана халыққа жол­да­ған Жолдауында білім сала­сында жауапкершіліктің жо­ғары екендігін нақтылап, бар­ша ұстаздар қауымына зор мін­деттер жүктеді. Ендеше, осы жа­уапты міндетті өз деңгейінде орындау, педагогтарды ынта­ландыру мақсатында төмендегі мәселелердің оң шешілуін сала бас­шыларына тапсырамын. Ор­та білім беретін үздік ұйым грантына жергілікті бюд­жеттен 1 млн. теңге, «Үздік педагог» конкурсында конкурс жеңімпаздарын марапаттау үшін 2 млн. теңге қаржы бөлінуі тиіс. Ал, бүгінгі мерекеде көп балалы және еңбек нәтижесі жоғары ұстаздарға ынталандыру сый­ақысы алғаш рет берілетін бо­лады» дей келіп, көп балалы және еңбек нәтижесі жоғары 20 ұстазға 50 мың теңгенің серти­фикаттарын салтанатты түрде тапсырды. Олардың қатарында жақында ғана 9 баланы асырап алып, бауырына басқан білім бөлімінің әдіскері Бота Бакеева да болды. Сонымен қатар, Абай атындағы орта мектептің директоры Айткен Әбішевтің омырауына Білім және ғылым министрінің «Білім беру ісі­нің Құрметті қызметкері» төс­бел­гісін таққан аудан әкімі жемісті еңбегімен көзге түскен бірнеше ұлағатты ұстаздарға Білім және ғылым министрінің, Жамбыл облысы әкімінің Құрмет грамотасы мен Алғыс хатын табыс етті. Ұстаздық қызметтегі ұзақ жылғы еңбегі, озық тәжірибесі бар өзге де ұстаздар Жамбыл облысы әкімдігінің білім басқармасы мен аудан әкімінің Алғыс хатына, «Нұр Отан» партиясы Тұрар Рысқұлов аудандық филиалының Құрмет грамотасына ие болды. Сал­танатты жиында білім бөлімінің басшысы Еркін Сейтжапаров пен аудандық білім қызметкерлері кәсіподақ ұйымының төрайымы Айнұр Баймұратова да құт­тықтау сөз сөйлеп, білім сала­сын­да өлшеусіз еңбек еткен ұстаз­дарды марапаттады.
Салтанатты шараның өн бойы әсем әнмен өріліп, ұлағатты ұстаздарға құрмет көрсетілді.

Мереке Ержанұлы.

Поделиться ссылкой: