Аудан әкімі ауылдарды аралады

Қай кезде де халықтың қалауына қарай жұмыс істеп, елімен етене жақын болған басшыларды ел ескерусіз қалдырған емес. Ақ батасын беріп, алғысын жаудырып, құрметтеп жатады. Журналистік қызметте жүріп, оған сан мәрте куә болдық. Аудан тізгінін ұстаған алты айдан астам уақыттың ішінде аудан әкімі Ерболат Садырқұловқа халықтың құрметі артып, алғысқа бөлеп келеді. Күні кеше Қарақыстақ ауылдық округіне қарасты Жалпақсаз, Тасшолақ, Қазақ, Каменка ауылдарын аралап, халықпен кездесу жиынын өткізген әкімге ел ерекше ықылас танытты.
Аудан әкімі жұмыс сапарын Жалпақсаз ауылында 5 келушіге арнап салынып жатқан медициналық пунк­тің құрылыс жұмыстарымен танысудан бас­тады. Құрылыс материалдарының са­пасына мән берген аудан басшысы орынбасары Руслан Оразханға жұ­мыстың тиянақты атқарылуын бақы­лауда ұстауды тапсырды. Ауылдағы көше жолдарының сапасына да зер салды. Ал, Тасшолақ ауылындағы бас­тауыш мектептің сырт көрінісі де, ішкі тәртіп мәселесі де Ерболат Салқынбекұлының көңілінен шықпа­ды. Расында ғимарат тозып тұр. Мектеп ауласы абаттандырылмаған соң ба, сұр­қай тартып, көңілің пәс тартады. Ішкі аурасы да жанды жадырата қоймады. Бірқатар кемшіліктерді көз көрді.
Аудан әкімі аялдаған келесі нысан Қазақ ауылындағы орта мектеп болды. Мектеп асханасындағы балалардың ас мәзірін алдырып, тамақтың белгіленген нор­маға сәйкестігіне көңіл аударды. Мектеп ауласында кездескен ауыл ақ­сақалы, өткен жылғы республикалық «Мерейлі отбасы» байқауының же­ңім­пазы Өмен Ниязқұлов ау­дан басшысына ақ батасын бе­ріп, ризашылығын білдірді. Сөз орайы келгенде ауылға кө­гілдір отын кіргізуге ықпал ету­ін өтінді. Көше жолдары­ның жөндеу көрмегенін де жеткіз­ді. Ақсақалды байыппен тыңда­ған аудан басшысы келесі жылы екі көше жөндеуден өтетінін ай­тып, қарияны қуантты. Көгілдір отын мәселесін назарда ұстап отырғанын сөз етті.
Каменка ауылына барған Ерболат Салықбекұлы облыс­тық туберкулезге қарсы бала­лар санаториі мен Бауыржан Момышұлы атындағы орта мектеп­тің материалдық базасына мән берді. Бір байқағанымыз аудан әкімі қай ауылға барса да атқарылған оңды істі емес, шешімін күткен мәселелерді зер­делеп, оны шешудің төте жолдарын қарастырды. Соның бірі – Қазақ ауы­лындағы орта мектепке акт залын са­лу жұмыстарын келесі жылы іске асы­ру­­ға қатысты қабылдаған шешімі.
Каменка ауылының тұрғыны, қол­­өнерші Ерлан Сметовтың үйіне ар­найы барып, оның жасап жатқан бұйымдарына баға берген аудан бас­шысы қолөнершінің соңғы жасап шы­ғарған домбырасын қолға алып, күм­бірлете күй тартты. Ұлттық аспапты қол­өнерші бір өзі төрт күнде жасап шы­ғарады екен. Оған Жаңғақ, арша ағаш­тарын қолданады. Бір домбыра­ның құны 40-60 мың теңгенің аралы­ғында көрінеді. «Жаз айларында домбы­ра­ға тапсырыс көп» дейді Ерлан Сметов. Қазіргі таңда аудандық саз мекте­бінен тапсырыс алыпты. Қыста көбіне күбі жасайды. «Осы екі дүниеге елдің сұранысы жоғары. Ағаштан ұлттық тағамымыз етке арналған табақ жасауға да тапсырыстар түседі. Бірақ оған қол тие бермейді» дейді ол. Қолөнершінің жұ­мы­сына сәттілік тілеген аудан әкімі аудандық мәдениет үйін­де жергілікті тұрғындармен кездесті. Ауыл әкімінің жыл ба­сынан бергі атқарған жұ­мыс­тарын тыңдап, бірқатар жұ­мыс­тарына қатысты сұрақтар қойып, пысықтап алды.
Жиын барысында ауыл тұр­ғындары көкейде жүрген сауал­дарын жолдап, аудан әкімінен шешімін табуға ықпал етуді сұрады. Алдымен «Айдар» ша­руа қожалыығының басшысы Амангелді Қабылханов сөз алып, ауыл шетіндегі бейіттің жа­нында ашылған балық ша­руашылығының салдарынан бейіт­ке су кіріп, бүлініп жатқа­нын жеткізді. Сонымен қатар, ауыл­ға газ кіргізу, мал ұрлығы мен мал ауруының көбейіп кет­кендігі туралы мәселелер кө­терді. Сол секілді ауыл тұрғы­ны, ауылдық ақсақалдар алқасы­ның төрағасы Алпысбай Оразбаев көше жолдарының тозға­нын, жайылымдық жерлердің тары­лып кеткенін айтса, жалпақсаз­дық Жетпісбай Сейітбеков, аудандық мәслихаттың депу­та­ты, ауылдық мәдениет үйінің мең­герушісі Зәйтуна Оразалиева да жол мәселесі мен ауыл­ға би үйірмесі керектігі жөнінде сауал жолдады. Аудан әкімі өз орын­басарлары мен бөлім бас­шы­ларын тұрғызып, әр сауалды нақ­тылай отырып тапсырма берді.

Мереке Ержанұлы.

Поделиться ссылкой: