Жаңартылған білім беру жүйесінің жетістігі көп

Өткен аптада аудандық мәде­ниет үйінде «Жаңартылған білім беру мазмұнын енгізу жағдайында қалып­тастырушы және жиынтық баға­лауды жүргізудегі критериалды баға­лаудың маңыздылығы» атты облыс­тық семинар-кеңес өтті. Мектеп дирек­тор­лары, директордың оқу ісі және ғы­лыми-әдістемелік ісі жөніндегі орын­басарлары, пәндік әдістемелік бір­лес­тік жетекшілері шақырылған семи­нар-кеңеске облыс әкімдігі білім бас­қармасы басшысының орынбасары Жәмила Бекбатырова бастаған білім бас­­қар­масының мамандары және ау­дандық білім бөлімінің сектор мең­ге­рушісі Бауыржан Самылтыров қатыс­ты. Жиында алғаш Жәмила Елеуқызы сөз сөйледі.
«Бүгінгі күні жаңартылған білім беру мазмұнына сәйкес критериал­ды бағалау жүйесі бойынша өзек­ті мәселелер туындап отыр. Осы та­қы­рып турасында жақында ғана Нұрсұлтан қаласында облыстық бі­лім басқармалары мен аудандық, об­лыстық деңгейдегі әдістемелік ка­бинет басшыларының қатысуымен ал­­қа­лы жиын өтіп, бұл мәселе сол оты­рыста кеңінен талқыланды» -дей ке­ліп, кри­териалды бағалау жүйесі бойын­ша арнайы келген спикер­лер­ге сөз берді.
Содан соң, критериалды бағалау жүйесінің маңызы мен сипаты жай­ын­­да топ құрамындағы спикерлер сали­қалы әрі мәнді мәліметтер ай­тып, жиын­ға қатысқан әріптестері­не мол мағлұ­мат берді.

Марат Жолдасбекұлы.

Поделиться ссылкой: