Алты Алаштың қайсар ұлы

830 Views

Тұрар Рысқұловтың туғанына 125 жыл толуына орай аудандық кітапхананың ұйымдастыруымен «Алты Алаштың қайсар ұлы – Тұрар Рысқұлов» атты тарихи кеш өтті. Іс шара барысында Тұрар Рысқұловтың өмірі мен өмір жолындағы атқарған қызметтері және Түркістан-Сібір теміржолын салудағы еңбегі айтылып, бейнероликтер көрсетілді. Кітапхананың тұрақты оқырмандары мемлекет қайраткері Т.Рысқұлов туралы жыр-толғауларын орындады. Қазақ халқының осындай елін сүйген ер ұлдарының бірі де бірегейі Тұрар Рысқұловтың өмірінен қысқаша көрініс көрсетілді. «Алаштың тау тұлғасы» атты көрме инсталляциясы ұйымдастырылып, шолу жасалды.
Тұрар Рысқұлов – терең ойлы, болашақты болжай білген әлемдік деңгейдегі реформатор тұлға. Тұрар Рысқұлов басшы бола білетін, басқара білетін, ел мен жерге, халыққа қызмет еткен, зиялылықтың үлгі-өнегесін көрсете білген тұлға. Тұрар – түркі ұлттарының тағдырын түгел ойлаған, елінің маңдайына біткен азамат.

А.Искакова,
цифрландырылған ақпараттық орталықтың кітапханашысы.

Поделиться ссылкой: