Шахмат секілді бильярд та ақылдылықтың ойыны болып есептеледі. Өзімнің қызығушылығым болғандықтан, аса таяқты серік еткен шеберлердің ойынын назардан тыс қалдырмауға тырысамын. Бірден айтып, өткен абзал, ауданымызда бильярдты жоғары деңгейде ойнайтын абзал ағаларымыз жетерлік. Бұл сөздің ешбір қоспасы жоқ екенін Жаңа жыл мерекесіне орай аталмыш спорт түрінен «Достар» бильярд орталығында ұйымдастырылған аудандық турнирде байқадық.
Аудан әкімдігі денешынықтыру және спорт бөлімінің ұйытқы болуымен өткен турнир өте тартысқа толы болды. Дегенмен, жарыстың аты қашанда жарыс. Жүлдеге әркімнің-ақ бар таласы. Ең бастысы, бильярд та қарсыластың әрбір шарды ұрған сәті бақылауда болады екен. Біз соны жете түсіндік. Нәтижесінде аудан ардагерлері арасында өрбіген аудандық турнирдің жүлделі III орнын Т.Тастанбек еншілесе, жүлделі II орын І.Бидайшиевке бұйырды. Ал өзінің жеңіске деген құштарлығын көрсете білген аудандық Қоғамдық кеңестің хатшысы Ж.Дидай турнир жеңімпазы атанды. Турнир жүлдегерлері мен жеңімпазына ұйымдастырушы тараптың арнайы дипломдары, медалі, кубогы табыс етілді.
Марат Диханбай.
