Аудан әкімі әлеуметтік нысандарды аралады

506 Views

Мемлекет басшысы Қасым-Жомарт Тоқаев «Сындарлы қоғамдық диалог – Қазақстанның тұрақтылығы мен өркендеуінің негізі» атты Жолдауында «Азаматтардың барлық сындарлы өті­ніш-тілектерін жедел әрі тиімді қа­растыратын «Халық үніне құлақ асатын мемлекет» тұжырымдамасын іске асыру – бәрімізге ортақ міндет.
Билік пен қоғам арасында тұрақты диалог орнату арқылы ғана қазіргі гео­саяси ахуалға бейімделген үйлесімді мем­лекет қалыптастыруға болады» де­ген еді. Бұл ортақ міндетке бүгінде бар­лық билік органдары білек сыбана кірі­сіп кетті. Жергілікті тұрғындардың мұң-мұқтажына құлақ түріп, түйткілді мәселелердің түйінін тарқату үшін елдің ішінде, халықтың ортасында болудың маңызы зор десек, аудан басшысы ауданға келген бірінші күннен халықпен кездесіп келеді. Аудан әкімі Ерболат Садырқұловтың жұмыс алгоритміне сәйкес үнемі ел ішінде жүретінін ел көріп жүр.
Күні кеше «Nur Otan» партиясы Тұрар Рысқұлов аудандық филиалының төрағасы, аудан әкімі Ерболат Салқын­бекұлы аудан орталығы Құлан ауылын­дағы бірқатар әлеуметтік нысандарды аралап, тұрғындармен тілдесті. «Nur Otan» партиясы Тұрар Рысқұлов ау­дандық филиалы төрағасының бірінші орынбасары Қанат Арыстанбеков, орынбасары Бейсен Әлпейісовтермен бірге «Азаматтарға арналған үкімет» мемлекеттік корпорациясының аудан­дық халыққа қызмет көрсету бөліміне барып, бөлімнің жұмысымен танысты. Бүгінде 756 мемлекеттік қызмет көр­сетілсе оның 369-ы электронды түрде көрсетіледі екен. Осы мемлекеттік қыз­меттердің халыққа қолжетімділігі мен тиімділігіне мән берген аудан әкі­міне халыққа қызмет көрсету бөлімі басшысының орынбасары Руслан Теміржанов жан-жақты жауап беріп, тұрғындардан әзірге ешқандай ша­ғым түспегенін жеткізді. «Жуырда үй алдым. Құжаттарын рәсімдеген кез­­де бүгінгі күнді көрсетіп дайын құ­жат­ты алып кетуіме болатындығын ес­керт­кен. Келгеніме үш минут бол­май құжаттарымды алдым» деген Бектұрсын есімді аудан тұрғынының жылы лебізінен Руслан Әділханұлының жалған сөйлемегенін аңғардық. Айнагүл есімді Құлан ауылының тұрғыны да мамандардың біліктілігін айтып, сапалы қызмет көрсететінін сөз етті. «Барлық жұмысымызды бір жерден тындырып қайтамыз. Бұл – халыққа жасалған жақсылық» дейді ол. Тұрғындардың мем­лекеттік қызмет түрлеріне қолже­тімділігін арттыру бағытында атқарыл­ған жұмыстарға тоқталған аудан бас­шы­сы аталмыш жүйені жетілдіру жол­­дары да мемлекеттік деңгейде жүзеге асып жатқанын атап өтті. Мем­лекеттік органдардың жұмысы – мем­лекеттік қызмет көрсетудің сапасымен бағаланатынын ескерсек, тәуелсіздік алған ширек ғасырда үлкен жұмыстар жасалғанын бағамдау қиын емес.
Орталық базардағы азық-түлік та­уар­ларының бағасына назар аударған Ерболат Салқынбекұлы саудагерлермен сөй­лесіп, базар бағамына талдау жаса­ды. Аудан әкімінің бұлай қарапайым халықтың ортасынан табылуын алу­шы да, сатушы да күтпесе керек, ел ішіне келіп елдің жайын сұраған әкім­­ге алғыстарын жаудырып, риза­шы­лық­тарын білдірді. Келесі кезекте ау­дандық орталық ауруханаға ат ба­сын бұрған аудан басшысы ақ халат­ты­лармен жолығып, аурухананың материалдық базасына көңіл аударды. Медицина саласындағы жаңалықтардың аудандық ауруханаға енгізілуін, қағазсыз жүйе­нің тиімділігін сөз еткен аурухана бас­шысы Шындос Мырзалиев алдағы жос­парларымен де бөлісті. Емдеу бөлі­міндегі ардагерлерге арналған бөлмеге кіріп, ондағы науқастармен тілдескен Ерболат Салқынбекұлы дәрігерлерге науқастардың толыққанды ем алып шығуы үшін дәрі-дәрмектен бөлек жылы жүз, аялы алақанның да шипа болатынын айтып, әр науқасқа дұрыс көңіл бөлу керектігін жеткізді.

Мереке Ержанұлы.

Поделиться ссылкой: