Абай ұлағаты – ұрпаққа өнеге

1 040 Views

«Биыл Абай Құнанбайұлының туғанына 175 жыл толады. Халқы­мыз­дың ұлы перзентінің мерей­тойын лайықты атап өту үшін арнайы құрыл­ған комиссия дайындық жұмыстарын бастап кетті. Мемлекет көлемінде және халықаралық деңгейде ауқымды іс-шаралар ұйымдастыру жоспарланып отыр. Бірақ мұның бәрі той тойлау үшін емес, ой-өрісімізді кеңейтіп, ру­хани тұрғыдан дамуымыз үшін өткі­зілмек» деп жыл басында баспасөз беттерінде жарық көрген «Абай және ХХІ ғасырдағы Қазақстан» атты ма­қа­ласында мерейтойлардың мәнін ашып көрсеткен еді. Расында Абай ұлағаты бүгінгі қоғамға да, келешек ұрпаққа да рухани кемелденуіне бас­тар жол, басты бағдар екені даусыз. Президент айтқандай ұрпақтың руха­ни кемелденуін мақсат еткен Қызылпан Сұлтанбеков атындағы орта мектептің ұжымы «Абайды оқы, таңырқа!» атты онкүндік өткізді. Мектеп директоры Ақбота Ыстыбаеваның ұйытқы болуымен өткен шараға қазақ тілі мен әдебиеті пәнінің мұғалімі Жанна Асилина жауапты болды. Онкүндік барысында мектеп оқушылары Абай өлеңдерін жатқа оқып, ойшыл ақын­ның ұлағатын ұғынды.
Абайдың ақындығы ғана емес сазгерлігі де мықты. Музыка пәні­нің мұғалімі А.Жиенбаеваның Абай әндерінен өткізген «Көңілім әнді ұғады» атты ән байқауында 5-6 сы­нып оқушылары ән құдіретін түсініп, те­ре­ңіне бойлай алатынын көрсетті. Мәселен, 6 сынып оқушысы Нұрсезім Қазақбайдың орындауындағы «Жел­сіз түнде жарық ай» әні кәсби әнші­лердің орындауынан кем болмады. Оқушылардың Абай мұрасына де­ген құштарлығы «Алтын қақпа» ин­тел­лектуалды ойын кезін де анық аң­ға­рылды. Алты кезеңнен тұратын білім бәйгесінде 10 сынып оқушысы Дәулет Нұрғазы үздік шықты. «Ұлы халықтың ұлы Абайы» тақырыбында Абайдың қарасөздерін жатқа оқудан сайысқа түскен оқушылардың арасынан 9 сы­нып оқушысы А.Оңалбек мықтылы­ғын мойындатса, «Адамзаттың Абайы» тақырыбындағы эссе байқауынан 9 сынып оқушысы Мерей Додай көз­ге түсті.
«Әу демейтін қазақ жоқ» демекші өлең құрап жазбайтын да қазақ жоқ­тың қасы. Абайға арнаған өз өлеңдерін жат­қа оқудан бақтарын сынаған оқу­шы­лар­дың арасынан 5 сынып оқушы­сы Мұхтархан Әкетайдың ақындығы жоғары бағаланды. Мектеп ұстаздары сурет байқауын да ұйымдастырып, 7 сынып оқушысы Жансерік Мұраттың салған суреті көз сүйсіндірді. Мектеп кі­тапханашылары Абайдың өмір жо­лына, шығармашылығына шолу жа­саған онкүндіктің қорытындысында талантымен танылып, білімімен биік­терді бағындырған оқушылар мара­патталды.

М.Сейдашым.

Поделиться ссылкой: