Баға тұрақтылығы басты назарда

Жамбыл облысы әкімдігі дүниені дүрліктірген коронавирус індетіне байланысты аймақта азық-түлік ба­ғаларының қымбаттамауын қада­ға­лап, аудандарда жеңілдетілген бағамен өңірлік тұрақтандыру қорынан азық-түлік тауарларын сату бойынша іс-ша­ралар ұйымдастыру жайында тап­сыр­ма берген еді. Берілген тапсырма шеңберінде жергілікті ақтарушы би­лік өкілдері нақты қаракетке көшіп, жүйелі жұмыс жүргізуде. Бұл ретте баға тұрақтылығын қадағалау мақсатында аудандық қоғамдық штаб та құрылған болатын.
Сейсенбі күні қоғамдық штаб мү­шелері үш топқа бөлініп, аудан орта­лығы Құлан және тұрғындар саны 10 мыңнан асатын Луговой ауылындағы ірі сауда орталықтарына бас сұғып, дүкен иелеріне ақпараттық түсіндіру жұмыстарын жүргізді. Штаб мүшелері дүкен қожайындарына жеңілдетілген бағамен өңірлік тұрақтандыру қорынан азық-түлік тауарларын сату бойынша әлеуметтік тауарлар бағасының тізбе­сін таныстырып, пікірлесті. Өңірде тауар бағасының тұрақтылығын ба­ғам­дау мақсатында жеке кәсіпкерлер мен «Тараз ӘККҰК» АҚ-мен арнайы ке­лісімшарт жасалғанында айта ке­тейік осы арада. Өз кезегінде кәсіпкерлерде бұл ұсыныстан бас тартпай, керісінше, қолдау көрсететіндіктерін жеткізді. Халықтың азық-түлік тауарларын қол­жетімді бағада алуын, сондай-ақ, ау­данда баға тұрақтылығын сақтау бой­ынша атқарылатын ауқымды жұ­мыстар легі мұнымен шектелмей, ал­дағы уақытта да өз жалғасын табатын болады.

Марат Жолдасбекұлы.

Поделиться ссылкой: