«Электронды кітапхана» ашылды

540 Views

Шоқан Уәлиханов атындағы ша­ғын орталықты орта мектебінде Ұлы Абайдың 175 жылдығына орай электронды кітапхана ашы­лып, кітап оқуға, онымен дос болу­ға үлкен мүмкіндік жасалуда. Элек­трон­ды кітапхананың мақсаты: оқу­шыларға қазақ әдебиетінің, әлем клас­сикасының алтын қорындағы аса құн­ды шығармаларды оқыту. Сол туын­дылардың рухани маңыздылы­ғын жет­кізу. Заман өзгерген сайын құ­ралдар да түрліше күйге еніп келеді. Қазіргі заманды компьютер, планшет, смартфонсыз елестету мүмкін емес. Электронды кітапханада әр түрлі жас ерекшелігіне байланысты жанрлар­да кітаптар жинақталған. Аталған тізімде 50 қазақ әдебиетінің, 40 орыс әдебиетінің, 10 әлем әдебиетінің клас­сикасы қамтылған. Электронды кітаптарды оқушылармен қатар мұ­ғалімдер, ата-аналар, қонақтар «QR» штрих код арқылы оқи алады. Ғұлама ақынымыз Абай Құнанбаевтың «Артық білім кітапта, ерінбе оқып көруге» — деген ұлағатты сөздерінен ерінбей кі­тап оқып оқушы санасын шыңдау басты міндетіміз. Зияткер тұлғаны тәрбиелеп, баланың бойында рухани патриоттық жалпыадамзаттық және этномәдениетті құндылықтарды сіңіру мектептің басты қағидаларының бірі болып табылады. Бар білімнің патшасын тек кітаптан ғана таба алатынымызды ұмытпайық.

Г.Мамбетова,
Шоқан Уәлиханов атындағы шағын орталықты орта мектептің кітапханашысы.

Поделиться ссылкой: