Таразда автобус аялдамалары күніне екі рет дезинфекциялануда

Тараз қаласындағы барлық аялда­маларда күн сайын төрт маман­дан­дырылған ұйым дезинфекция жұмыс­тарын жүргізуде. Бұл бойынша 42 адамнан тұратын 18 бригада құрылған десек, олар 12 бірлік техниканың кө­мегімен күніне екі рет 513 жолаушы көлігі аялдамасын дезинфекциялайды.
Жалпы, өңірде санитарлық-эпи­демиологиялық іс-шараларды күшейту бағытында 1154 нысан бойынша рейдтер жүргізілген. Оның 361-і қазіргі уақытта өз жұмысын тоқтатқан білім беру және спорт мекемелері.
Жұмыс істеп тұрған барлық кафе, мейрамхана, қонақ үй, денсаулық сақтау ұйымдары, діни мекемелер, базарлар, сауда орталықтары мен дүкендерде дезинфекциялық іс-шаралар өткізіліп, түсіндіру ақпараты бар стендтер мен антисептиктер орнатылған.
Адамдар жаппай жиналатын соттар, халыққа қызмет көрсету орталықтары, полиция бөлімдері, уақытша ұстау изоляторы және қабылдау-тарату орын­дарында залалсыздандыру шара­лары атқарылған.
«Ауыл Береке», «Орталық Базар», «Диана», «Қайқармет», «Жібек жолы» се­кілді ірі базарларында және «MART», «Small» сауда кешендеріндегі осы ба­ғыттағы жұмыстарға «Оңтүстік» өңір­лік қолбасшылығының бесінші брига­дасының 200-ге жуық жауынгері тартылған.
Тараз қаласындағы 10 дәріханада күн сайын 30 мың медициналық маскалар сатылуда. Сонымен қатар, жергілікті кәсіпкерлердің бастамасымен төрт мыңнан астам медициналық бетперде дайындалып, көп балалы аналарға тегін таратылуда.
Осы секілді жұмыстар облыстың барлық аудандарында қолға алынған.

Жамбыл облысы әкімінің баспасөз қызметі.

Поделиться ссылкой: