Тіл саулығы – ел саулығы

Тілдің адам өмірі үшін мәні айрық­ша. Тіл – әрбір ұлттың жан дүниесі, өл­шеусіз қазынасы. Елбасы Н.Назарбаев халықтың болашағы туралы тереңнен толғай отырып: «Мемлекеттің ең басты дүниесі тек қана байлық емес, сонымен қатар, ана тіліміздің болашағы» деген болатын. Шынында да, мемлекеттік тіл болып табылатын қазақ тілін мемлекеттің барлық аумағында қоғамдық қаты­нас­тардың барлық саласында қол­данылатын басқару, заң шығару, сот ісін жүргізу және іс жүргізу тілі деп тануымыз керек. Қазақстан халқын топ­тастырудың аса маңызды факторы болып табылатын мемлекеттік тілді меңгеру – Қазақстан Республикасының әрбір азаматының төл борышы.
Қазақ тілі әлемдегі барлық мемлекеттік тілдер сияқты өзінің егемендігін алған тіл. Қазақстанда тұратын әр азамат мемлекеттік тілді білуге міндетті. Тілге деген құрмет ха­лыққа деген құрмет. Бұл жөнінде Мемлекет басшысы Қасым-Жомарт Тоқаев та өзінің жаңа Жолдауында тереңірек мән берді. Тілдің келешегіне, оның қолданылу аясына байланысты өзінің ой-пікірін айтты.
Иә, мемлекеттік тіл еліміздің бүкіл аумағында, қоғамдық қатынастардың бар­лық салаларында қолданылатын тіл болғандықтан, барлық іс қағаздары мен құжаттар қазақ тілінде жүргізілуге тиіс.

Б.Мұхтарова,
«Қазақстан заңгерлік одағы» қоғамдық бірлестігінің облыстық филиалының мүшесі.

Поделиться ссылкой: