Президент Жолдауы тың серпін береді

Тәуелсіздігімізді алғаннан ке­йін­гі аралықта елімізде көптеген құры­лымдық өзгерістер жүзеге асып, үл­кен нәтижелерге қол жеткіздік. Алай­да, келешекке сенімді қадам жа­сау әлі де өзекті екені белгілі. 2020 жыл­дың 1 қыркүйек күні Мемлекет бас­шысы Қасым-Жомарт Тоқаев Пар­ламент палаталарының бірлескен оты­рысында «Жаңа жағдайдағы Қа­зақстан: іс-қимыл кезеңі» атты Жол­дауын жариялап, елімізді одан әрі да­мыту стратегиясымен таныстырды. Жолдауды барлық республикалық телеарналар тікелей эфирде көрсетіп, не­гізгі радиостанциялар тікелей толқында та­ратты.
Жолдауда алға қойылған міндеттер мен мақсаттар бүгінгі күнге дейін ат­қарылған іргелі істердің заңды жал­ғасы болып табылады. Мемлекет бас­шысының Жолдауы белгілі бір мерзімді қамтитын стратегиялық сипатқа ие. Бұл құжатта ел тұрғындарының әл-ауқатын арттыруға бағытталған кешенді шаралар кеңінен қамтылған. Әлемдік деңгейдегі жаңа жаһандық талаптарды назарға ала отырып, қазіргі кездегі ха­лықтың ішкі әлеуетін күшейте түсу ке­зек күттірмейтін мәселе деуге де болады.
Президентіміз Қасым-Жомарт Тоқаев Жолдауда мемлекеттік бас­қарудың тиімділігін арттыру, жаңа заман та­лаптарына сәйкес экономикалық даму, өнеркәсіп әлеуетін күшейту, ауылшаруашылығы саласын, көлік-ло­гистика кешенін, шағын және орта биз­несті, қаржы секторын, өңірлік даму және қазақстандықтардың әлеуметтік жағ­дайын арттыру секілді бірқатар бастама көтерді.
Президент Жолдауы жан-жақты, онда еліміздің жаңа экономикалық бағ­дары басты жеті қағидатқа негіз­де­луі керектігі айтылды. Маңызды құ­жатта әсіресе халықтың әлеуметтік тұсына мән берілгені қуантады. Жер ше­телдіктерге сатылмайды, жаңадан ми­нистрлік құрылады, шенеуніктердің саны қысқарады, келесі жылдан бастап тұр­ғын үй алу, емделу мен білім алу мақ­сатында азаматтар зейнетақы қо­рындағы қаржысының бір бөлігін пай­далана алатыны, ауыл әкімдерін ха­лық сайлайтыны, олардың өз бюджеті бо­латыны жөніндегі келелі пікірлері кө­ңілімізден шығып отыр.
Жолдауда ерекше жағдайда бас­талған жаңа оқу жылына дайындық жай­лы да өткір мәселе қаузалды. Шын мәнісінде, осы күнге дейін бірыңғай оқу платформасының жоқ екендігін айтып, олқылықтың орнын толтыруды тапсырды. Бұл мектеп қабырғасында ғана емес, орта арнаулы және жоғары оқу орындарында да бар мәселе. Мемлекет басшысы өте орынды әрі дер кезінде тапсырды деп есептеймін. Президент білімнің қолжетімді әрі сапалы болуын қамтамасыз етудің маңыздылығы мен денсаулық сақтау саласын дамыту жайында айта келіп, отбасылық-демографиялық жағдайына және балалардың құқығы мен қауіп­сіздігіне алаңдаушылық білдірді.
Мұғалімдердің жалақысы көте­ріле­тіні де айтылды. Келесі жылдан бастап мұғалімдердің жалақысы 25 пайызға көбейеді. Бұл ұстаздар қауымына көрсе­тіліп отырған мемлекеттік қамқорлық .
Президентіміз Қасым-Жомарт Тоқаевтың халыққа Жолдауы елі­міз­дің саяси ахуалы ғана емес, эконо­микалық және әлеуметтік өсуі мен әр­бір азаматтың өмірін жақсарту сын­ды мемлекет дамуына негіз болатын ма­ңызды мәселелерді арқау етті. Осының бәрі әр азаматтың күш-жігеріне, іске де­ген жауапкершілігіне байланысты екені анық айтылды.
Себебі, біздің мақсатымыз айқын, ме­жеміз белгілі. Осы орайда «Бүгін мен бүкіл қоғам алдында дағдарыс жағ­дайында атқарылатын іс-шаралардың жоспарын баяндадым. Оның жемісті жүзеге асуы әрқайсымызға байланысты. Баршамыз өз-өзімізді дамытуға күш салуымыз керек. Замана сынағы бізден үздіксіз қозғалысты, мықты күш-жігерді және табанды еңбекті талап етіп отыр. Сондықтан, еліміздің бақытты әрі жарқын келешегі әр азаматтың қажырлы қызметіне байланысты болмақ. Әр буынның маңдайына түрлі сынақ жазылған. Біз төл тарихымызда тағдырдың түрлі сынынан әрдайым сүрінбей өттік. Еліміз ең күрделі деген міндеттерді шеше алады. Біз бұған дайынбыз,»– деген Мемлекет басшысы келешекке деген сенім ұялатты.
Мен әріптестерімді, ұстаздар қа­уы­мын ұлт ұстазы Ахмет Байтұр­сынұлының «Білімді болуға оқу керек, бай болуға кәсіп керек, күшті болуға бірлік керек, осы керектердің жолында жұмыс істеу керек» деген қағидатының бүгінгі күні де өзекті екендігін ескере отырып, Президент тапсырмаларын мүлтіксіз орындауға шақырамын.

Г. Жамалбекова,
аудан әкімдігі білім бөлімінің тарих, география пәнінің әдіскері.

Поделиться ссылкой: