Мемлекет басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» деген тақырыппен халыққа жолдаған Жолдауын зор ықыласпен ел қатарлы тыңдап, жақсылап танысып шықтым. Шындығын айту керек, ел Президентінің кезекті Жолдауында жылдағы дәстүрге сәйкес бірқатар маңызды мәселелер қамтылған екен. Әсіресе, сыбайлас жемқорлыққа қарсы күрес, шағын және орта бизнесті дамыту, дәрігерлерге деген әлеуметтек қолдаулар, ауылшаруашылығын алшаң бастыру сынды ойы мен орамы түйіндеулі тұрған мәселелерді шешу жолдары Жолдауда анық әрі айқын көрсетілген. Сонымен қатар, мұғалімдерге арналған қолдаулардың көлемі артқандығы менің көңілімнен шықты. Бұған дейін де мұғалімдерге қатысты мәселелер төңірегінде оңтайлы шешімдер қабылдап жүрген Қасым-Жомарт Кемелұлы ұстаздар жалақысының тағы да 25 пайызға артатындығын мәлімдеді. Бұл қадам қазіргі қиын кезеңде ешнәрсеге қарамай, күш-жігерін аямай, бар уақытын шәкірт тәрбиелеуге арнап жүрген мұғалімдердің жұмысына ерекше серпін берері айдан анық. Сондай-ақ, Президенттің білім берумен қатар ғылым саласын дамыту, мектепке дейінгі балаларға арналған шаралардың көлемін арттыру, отандық ғалымдардың санын көбейту мақсатында 1000 жуық грант бөлу сынды бастамалары ойға қонымды дүниелер деп есептеймін.
Мемлекет басшының осы жолы жолдаған Жолдауы да жоспарлы түрде орындалып, өз нәтижесін береріне кәміл сенімдімін. Ол үшін бәрімізге күш біріктіріп, Жолдауды қолдау қажет.
Ендеше, құрметті отандастар! Мен сіздерді жарқын болашаққа қол жеткізу үшін бірлікке бекем болып, аянбай қызмет етуге шақырамын.
Е. ҚАЙПЫЛДАЕВ,
№2 шағын орталықты орта мектебінің директоры.
