Әлеуметтік медициналық сақтандыру – сапалы медициналық көмек кепілі

416 Views

Міндетті əлеуметтік медициналық сақтан­дыру жүйесі Қазақстан Республикасында 2017 жылдан бастап енгізілді жəне Қазақстан Республикасының барлық сақтандырылған азаматтарының жынысына, жасына, əлеуметтік дəрежесіне, тұрғылықты жеріне жəне табысына қарамастан медициналық жəне дəрілік көмекке тең қол жетімділікке ке­піл­дік береді.
Медициналық сақтандыру түрлері:
Ерікті түрдегі сақтандыру
Міндетті түрдегі сақтандыру
Міндетті түрдегі сақтандыру дегеніміз – төтенше жағдай болғанда, мемлекеттің тарапы­нан ұйымдастырылған сақтандырылушыларға тегін медииналық көмек көрсетуге бағытталған әлеуметтік сақтандыру түрі.
Ерікті түрдегі медициналық сақтандыру — сақтандырудың ең перспективалы түрі болып табылады. Қазіргі заманауи әлеуметтік-экономи­калық жағдайда ақысыз медицинаға көп адам­дар жүгіне бермейтіндіктен ең бірінші орынға осы еркін түрдегі медициналық сақтандыру кіреді,себебі ол сапалы қызмет көрсетудің кепілі болып табылады.
Сізге МӘМС не береді?
1) Қол жетімді емделуді
Сіз кез-келген, өзіңіздің таңдауыңыз бойынша, мемлекеттік немесе жеке медициналық көмек алуға құқылысыз. Сізге МӘМС пакеті аясындағы дәрігердің қабылдауынан терең тексерулер мен қымбат тұратын операцияларға дейін барлық қызметтер көрсетіледі. Олар бойынша шығынды Әлеуметтік медициналық сақтандыру қоры төлейді.
2) Сапалы медициналық көмек.
Әрбір клиника Сізге жоғары білікті қөмек көрсетуге мүдделі. Өйткені, ауруханалар мен емханалар МӘМС пакетіне енетін сапалы қызмет көрсеткені үшін Әлеуметтік медициналық сақ­тандыру қорынан ақша алатын болады.
3) Тегін және қол жетімді дәрілер
Сіз аурулар түрі бойынша мемлекет белгі­ле­ген тегін дәрілік заттарды алуға құқылысыз. Әлеуметтік медициналық сақтандыру қоры дәріханалар қызметіне ақы төлеуді өз міндетіне алады.
4) Сіздің құқықтарыңызбен міндеттеріңізді қорғау.
Егер Сіз емдеуден бас тартуға немесе сапасы нашар қызметке кездессеңіз, онда Әлеуметтік медициналық сақтандыру қорына жүгініңіз, ол Сізді қорғап, Сіздің мүдделеріңізді жақтайтын болады.
5) Өз денсаулығыңыз туралы толық ақпарат Денсаулық сақтаудың жаңа электрондық жүйесі жасалады, оның аясында Сіз жеке кабинетке ие боласыз.
Жалпы алғанда, медициналық сақтандыру­дың дамуы қазіргі кездегі денсаулық сақтау жүйесін­дегі кемшіліктерді азайтып, жүйесіз жүрген істер­ді біршама жүйелеуге жол ашады. Бұл әлемдік тәжірибеде дәлелденген.

Г.Үкібаева,
аудандық орталық аурухананың бас дәрігерінің орынбасары.

Поделиться ссылкой: