Жұртқа жақын полиция

325 Views

Қоғамдық тәртіпті қадағалайтын полиция қызметкерлерінің атқара­тын істері ауқымды әрі ауыр. Себебі, олар тәртіп пен заңды ұштастырып, халықтың денсаулығы мен өміріне жауапкершілікпен қарайды. Еліміз­дің Тұңғыш Президенті Нұрсұлтан Әбішұлы Назарбаев «Азаматтар са­насында полицейлер жазалаушы емес, керісінше, қиын жағдайда кө­мек көрсетуші деген түсінік орнығуы керек» – деп аталмыш саланы түбе­гейлі реформалау керек екендігін айтқан болатын. Содан бері міне құ­қық қорғау саласы жаңаша жаңғы­рып, жұмысы барынша оңтайланды­ры­лып келеді.
Елбасының бұл бастамасын құп көрген Президентіміз Қасым-Жомарт Кемелұлы Тоқаев та поли­ция мәртбесін арттыру үшін көп­­теген тың өзгерістер жасап ке­ле­ді. Қасым-Жомарт Кемелұлы Қа­зақстан халқына Жолдауында аталмыш сала қызметкерлеріне үл­кен се­нім артатынын айта келе, учас­ке­лік инспекторларға қатысты өз бас­тамасын ұсынды. «Жұртқа жа­қын полиция» қағидаты бойынша жер­гі­лікті полиция қызметінің мей­лін­ше тұтас реформасын жасау қа­жет­тігі пісіп-жетілді. Осыған орай учас­келік инспектордың рөліне ба­са мән берілетін болады. Учаскелік инспек­тордың мәртебесін заңнама ар­­қылы арттырып, оның өнімді жұ­­мыс істеуіне мол мүмкіндік берген жөн. Ол азаматтар қоғам алдында таны­мал, қолжетімді әрі беделді болуға, солардың құқықтарын қорғауға тиіс» – деп Мемлекет басшысы тәртіп сақшыларының қызметіне қатыс­ты тапсырма берген еді.
Осылайша Қасым-Жомарт Кемелұлы құқық қорғау саласында­ғы жауапты мамандарға маңызды тапсырмалар жүктей отырып, олар­дың қоғамдағы айшықты образын қалыптастыру керек екендігін де жеткізді. Сол тапсырмалар бүгінде бірте-бірте орындалып та келеді. Бү­гінде ауданымыздағы 15 округтегі учаскелік полиция инспекторларына 21 көлік беріліп, қызметтерін ойда­­ғы­дай орындауға көптеген мүмкіндік­тер қарастырылып жатыр. Сонымен қатар, тәртіп сақшыларын техника­лық жабдықтармен қамтамасыз ету мақсатында арнайы берілген қызмет­тік планшеттер мен бейне тікреуіш­тер де полиция қызметкерлерінің бас­ты құралдарына айналып отыр. Бұл арқылы олар тәр­тіп бұзғандарды жылдам арада тіркеп, өз жұмыстарын мұқият атқара ала­ды. Міне, Президентіміз Қасым-Жомарт Тоқаевтың «Халыққа жақын поли­ция» қағидаты бойынша біршама түйт­кілді мәселелер өз түйінін тарқатып, тиісті шаралар қолданылып жатыр. Бұл тың өзгеріс осы уақытқа дейін құқық қор­ғау саласына жасалған реформалар­дың ішіндегі бірегейі деп есептеймін. Себебі, полиция қызметкерлері мен халық арасындағы байланыс үзіліп қалған еді. Бұның салдарынан көпте­ген қиындықтар туындады. Ал Пре­зи­дент тапсырмасы сол байланысты қай­та жалғауға сеп болып, поли­ция қызметкерлерін халықтың кө­мекші­сі ретінде танитын мезгіл де жетті. Сол себепті, бұл іске немқұрайды қара­май, тәртіп сақышалыры жазалаушы емес, керісінше, қиын жағдайда кө­мек көрсетуші деп қарауымыз керек.

Олжас ОМАРБЕКОВ,
аудандық полиция бөлімінің бастығы.

Поделиться ссылкой: