Күшейтілген заң талаптары таныстырылды

Өткен аптаның жұмасында аудан­дық прокуратураның ұйымдастыруымен шағын жиын өтті.
Аталмыш жиынға аудандық прокуратураның прокуроры Динара Айтбек, аудандық жергілікті полиция қызметі бөлімшесінің бастығы Айдын Мамытбеков, халықты жұмыспен қамту орталығының заңгері Жаннұр Серікұлы және жеке сот орындаушылар Сая Самыратпаева, Айдана Асан, Нұрғиса Асубаев сынды білікті мамандар қатысты.
Жиын барысында прокурор Динара Балғабекқызы Бас прокуратураның бастамасымен 2020 жылғы 11 жел­тоқ­санда Жоғарғы Сот «Сот актілерін орындамағаны үшін жауаптылық туралы» 2003 жылғы 19 желтоқсандағы №12 нормативтік қаулысына өзгертулер мен толықтырулар енгізілгенін мәлімдеп, оларды жауапты мамандармен бірге талқылады. Күшейтілген заң талаптарын түсіндіргеннен кейін про­курор борышкерлерді жұмыспен қамту жұмыстарына бей-жай қарамау керек екендігін ескертті. Осы бағыт бойынша жоспарлы түрде жұмыс жасап, бірлесе қызмет атқаруға шақырды.
Сонымен қатар дөңгелек үстел барысында жұмыс кезінде кездесетін қиындықтар мен келеңсіздіктерді шешу, борышкерлерге ақпараттық-түсіндіру жұмыстарын жүргізу, алимент төлемдерін қасақана орындамайтын борышкерлердің тізімін жасау, оларды әкімшілік және қылмыстық жауапкершілікке тарту мәселелері қаралды.

Жәнібек БАЗЫЛБЕКОВ.

Поделиться ссылкой: