Ұлттың ұлы ұстазы

519 Views

Құмарық ауыл аймақтық кітапханашылары­ның ұйымдастыруымен қазақтың аса көрнекті-ағартушы педагогы, Ыбырай Алтынсариннің 180 жылдығына орай «Ұлттың ұлы ұстазы» атты әдеби буриме Болтай батыр атындағы шағын орталықты орта мектебінің көрермендер залында болып өтті. Әдеби буримені өткізудегі мақсатымыз – алғашқы ұстаз, ұлы ағартушы Ыбырай Алтынсариннің өмірімен, шығармаларымен оқушыларды таныстыру, оның әңгімелері арқылы оқушыларды имандылыққа, адамгершілікке, еңбекқорлыққа тәрбиелеу, тарихи тұлғаны есте сақтауға, құрмет тұтуға, үлгі алуға тәрбиелеу. Ыбырай Алтынсариннің өмірі, шығармашылығы туралы Алғабас ауылдық кітапханашысы Рита Аубакирова әзірлеген слайд, видео-роликтерді оқушылар аса қызығушылықпен тамашалады. Әдеби буриме барысында «Алма ағашы» мен «Шеше мен бала» атты әңгімелерінен көріністер қойылды. «Даланың дара ұстазы» атты кітап көрмесіне Құмарық ауылдық кітапханашысы Нұрлы Талқанбаева мен Қонаев ауылдық кітапханашысы Жанат Баягизовалар шолу жасады. Құмарық ауылдық балалар кітапханашысы Гулнора Базарбаева «Жылдар сөйлейді» атты викториналық сұрақ-жауап ойнатты. Іс-шара соңында Сатмухан Алихан өзінің патриоттық әндерін орындаса, Дәулен Ботагөз қазақтың күйлерімен сусындатты. Әдеби буримеге белсенді қатысқан оқушылар: Айдын Тұрғынбек, Қарақат Ерғали, Ботагөз Даулен, Нұрай Мадешова, Ақжүніс Қыдырбай, Ерсейіт Андасбек, Жания Қуанышбекова. Іс-шара соңында қатысушылардың бәріне ынталандыру сыйлықтары табысталды.

Г.Базарбаева,
Құмарық ауылдық балалар кітапханасының кітапханашысы.

Поделиться ссылкой: