Жерлес журналист Америка сапарынан оралды

Қаламы қарымды журналист әріптесіміз Болат Жаппарұлы жа­қындаАмерика Құрама Штатта­рындағы Франкфурт, Бостон, Нью-Йорк қалаларында болып қайтты.
Облыстық «Ақ жол» газетінің байырғы тілшісі, сатирик Болат Жаппарұлы осы сапарынан «Америкада оқып жүр талай қазақ баласы» деген жолжазба очеркін облыстық газетте жариялады. Журналист үшін «Жеті қарақшысы жоқ», жеті құрлықтың ар жағындағы елді көру қандай ғанибет десеңізші. Ол Кембридждегі Мұсылман мешітінде болып құрбан айт намазына қатысқанын тебірене жазады. Сондай-ақ, Америкаға аты мәлім, елдің тұңғыш президенті Джордж Вашингтонның атқа мінген ескерткіші алдында тұрып үлкен толқу үстінде болғанын да жасырмайды.
Сондай-ақ, Гарвард университетіне барар жолдағы шағын саябақта тұр­ған ел президенті Авраам Линкольн­нің ескерткішін көріп, «қара құр­лықтан» құлдыққа әкелінген афро американдықтарға теңдік беру туралы тұңғыш заң шығарған тұлғаны көріп таңырқады.
Бөкең бұл сапарында өзінің Америкадағы Гарвард университетінде оқып жүрген ұлы Жанат пен келіні Мақпалдың отбасында болғанын, немересі Исмаилдың сол жат елде дүниеге келіп, сол елдің азаматтығын алғанын жазады. Бір ерекшелігі сол, американдықтар өздерінің азаматта­рын қай елде жүрсе де қорғайды. Олардың тағдыр-талайын біліп отырады.
Б.Жаппарұлы осы мақаласында білімді ұрпақ туралы, бірлік туралы және шетелдегі өзге ел азаматтарының өзінің діні мен тілін, мәдениетін сақтап тең құқықта өмір сүріп жатқанын айтады. Журналист әріптесіміз Бостондағы этноауылда болып, ондағы тарихи ескерт­кіштерді көріп таңғалғанын, жер­гілікті халықтың көненің дәстүрлері мен әдет ғұрыптарын ұмытпайтынын ай­рықша атап өтеді.

С.Қожеке.

Поделиться ссылкой: