Қазақстанның 6 өңірі «қызыл» аймақта

Қазақстанда өткен тәулікте 1421 адам коронавирус індетінен емделіп шықты. Ақпаратты аймақтар бойынша саралайтын болсақ, көрсеткіштер төмендегідей:
Нұр-Сұлтан қаласы – 425, Алматы қаласы – 570, Шымкент қаласы – 40, Ақмола облысы – 40, Ақтөбе облысы – 8, Алматы облысы – 94, Атырау облысы – 69, Шығыс Қазақстан облысы – 22, Батыс Қазақстан облысы – 39, Қарағанды облысы – 73, Қызылорда облысы – 2, Павлодар облысы – 19, Солтүстік Қазақстан облысы – 19, Түркістан облысы – 1. Жалпы Қазақстан бойынша індеттен жазылғандар саны – 225 256 адам.
Жуырда ел аумағында коронавирустың таралуына жол бермеу жөніндегі ведомствоаралық комиссия аймақтардағы эпидемиологиялық жағдайды бағалау матрицасын жариялады. Комиссия өкілдері келтірген ресми деректерге сүйенетін болсақ, дәл қазіргі таңда Қазақстанның 6 өңірі «қызыл» аймақта тұр. Олардың қатарында Нұр-Сұлтан, Алматы қалалары мен Алматы, Ақтөбе, Атырау және Батыс Қазақстан облыстары «қызыл» аймақта тұр. Ал «сары» аймақта Шымкент қаласы және Ақмола мен Қарағанды облыстары орналасқан. Бір қуантарлығы, қалған барлық өңір – «жасыл» аймаққа жайғасқан.
Естеріңізге сала кетейік, Қазақстан таяуда әлемдік эпидемиологиялық бағалау матрицасы бойынша «қызыл» аймаққа өткен болатын.

CORONAVIRUS2020.KZ

Поделиться ссылкой: