Өрт толығымен сөндірілді

Аудан әкі­мінің бас­­пасөз қызметі хабар­ла­ғандай, Көкдөнен ауылының тау бөктеріндегі (Есдәулет жерінде) алауы тұтанған өрт­тің жалыны толығымен сөндірілді. Мәлімет бойынша, өрт адамдардың от қолданудағы абайсыз­дығынан тұтанған. Өрт салдарынан зардап шеккендер туралы ақпарат тіркелмеген.
Айта кетейік, өртті сөндіруге ауданымыздағы №10 және Тараз қалалық № 1, 2, 3, 4, 9 өрт сөндіру бөлімдерінің жеке құрамы, сондай-ақ, Көкдөнен, Көгершін, Құмарық, Абай, Ақыртөбе, Құлан, Қарақыстақ ауылдық округте­рінен бөлек, Жуалы, Жамбыл, Байзақ, Меркі, Ақыртөбе, Луговой орман шаруашы­лығы коммуналдық мемлекеттік мекемесінен де өрт сөндіруші адамдар мен техника келді. Одан бөлек, «Қазавиақұтқару» акционерлік қоғамының «МИ-8» тікұшағы да өртті сөндіруге көп септігін тигізді. Өртті сөндіруге жиынтық саны 277 адам және 42 техника жұмылдырылды. Өз кезегінде аудан әкімі Ерболат Садырқұлов та өрттің тілсіз жау екенін атап өтіп, өртті сөндіруге атсалысқан барлық азаматтарға алғысын білдірді.

«Құлан таңы» ақпарат.

Поделиться ссылкой: